ମ. ରାମପୁର,୧୯।୫(ଡି.ଏନ.ଏ.): ୧୯ ଓ ୨୦ ତାରିଖରେ ୨ ଦିନିଆ କଳାହାଣ୍ଡି ଜିଲା ଗସ୍ତରେ ଆସିବେ ୫-ଟି ସଚିବ ଭି.କେ. ପାଣ୍ଡିୟାନ। ଏହି ଅବସରରେ ମ. ରାମପୁର ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ ମୋ ହସ୍ପିଟାଲ ଓ ସନ୍ଦୂଲ୍ ନଦିଠାରେ ନିର୍ମାଣାଧୀନ ସେଚ ପ୍ରକଳ୍ପରେ ପରିଦର୍ଶନ କରିବା କାର୍ଯ୍ୟକ୍ରମ ରହିଛି। ମୋ ହସ୍ପିଟାଲଠାରେ ଗୁରୁବାର ତରଆବରିଆ ଭାବେ ନିର୍ମାଣ କାର୍ଯ୍ୟ କରୁଥିବ ଦେଖାଯାଇଛି। ପେଭର୍ ବ୍ଲକ ବିଛା କାର୍ଯ୍ୟରେ ମାଟି, ବାଲି ଲେଭେଲ ପାଇଁ ଭାଇବ୍ରେଟର ବ୍ୟବହାର ନ କରି, ଉପଯୁକ୍ତ ଜଳ ବ୍ୟବହାର ନ କରି ତରବରିଆ ବିଛା ଯାଇଛି। ଏହାର ସ୍ଥାୟିତ୍ୱ ନେଇ ଆଶଙ୍କା ଦେଖାଯାଇଛି। ସଚିବ ଗସ୍ତ ପୂର୍ବଦିନ ଗୁରୁବାର ବିଜେଡି ରାଜ୍ୟ ସମ୍ପାଦକ ପ୍ରଣବ ପ୍ରକାଶ ଦାସ କ୍ଷେତ୍ର ଗ୍ରସ୍ତ କରିଛନ୍ତି। ତାଙ୍କ ସହିତ ବିଜେଡି ଜିଲା ସଭାପତି ପୁଷ୍ପେନ୍ଦ୍ର ସିଂଦେଓ, ବିଧାୟକ ଭୂପିନ୍ଦର ସିଂହ, ବିଧାୟକ ଦିବ୍ୟଶଙ୍କର ସିଂହ ମିଶ୍ର ପ୍ରମୁଖ କ୍ଷେତ୍ର ଗ୍ରସ୍ତ କରି ସମୀକ୍ଷା କରିଥିଲେ। ସଚିବ ଶୁକ୍ରବାର ସକାଳେ କେସିଙ୍ଗା ବେଲଖଣ୍ଡି ଶିବ ମନ୍ଦିର ଯାଇ ସେଠାରୁ ପୂର୍ବାହ୍ନ ୧୧.୩୫ରେ ମ. ରାମପୁର ମୋ ହସ୍ପିଟାଲରେ ସମୀକ୍ଷା, ସନ୍ଦୁଲ ସେଚ ପ୍ରକଳ୍ପଠାରେ ୧୧.୫୫ରୁ ମଧ୍ୟାହ୍ନ ୧୨.୧୦ ମିନିଟ ପର୍ଯ୍ୟନ୍ତ ଲୋକଙ୍କ ସହିତ ଆଲୋଚନା କରିବେ। ଏହା ପରେ ନର୍ଲା ଅଭିମୁଖେ ଯିବେ।