ଛେଣ୍ଡିପଦା, ୧୭।୪(ସ୍ବ.ପ୍ର): ଅନୁଗୋଳ ଜିଲା ଛେଣ୍ଡିପଦା ଥାନା କଇଁଛପଦା ଗ୍ରାମ ନିକଟରେ ପୋଲିସ ଚଢ଼ାଉ କରି ଏକ ଟ୍ରକ୍ରୁ ୫ ଟନ୍ ଚୋରା କୋଇଲା ଜବତ କରିଛି। ତେବେ ଡ୍ରାଇଭର ଫେରାର ହୋଇଯାଇଛନ୍ତି। ପୋଲିସ ସୂଚନା ଅନୁଯାୟୀ, ଶୁକ୍ରବାର ବିଳମ୍ବିତ ରାତିରେ ଏକ କୋଇଲା ବୋଝେଇ ଟ୍ରକ୍ (ନଂ. ଓଡି ୦୯ ଏମ୍ ୮୮୫୨) କମ୍ପସଲାରୁ କଇଁଛପଦା ଦେଇ ବୁଢାପାଳ ଅଭିମୁଖେ ଯାଉଥିଲା। ଉକ୍ତ କୋଇଲା ଚୋରା ଚାଲାଣ ହେଉଥିବା ସୂଚନା ପାଇ ଛେଣ୍ଡିପଦା ପୋଲିସ ଚଢ଼ାଉ କରିଥିଲା। ପୋଲିସ ଉକ୍ତ ଟ୍ରକ୍ ଜବତ କରି ଛେଣ୍ଡିପଦା ଥାନାକୁ ଆଣିଛି। ଏ ନେଇ କେସ ନଂ.୧୭୦/୨୨ରେ ଏକ ମାମଲା ରୁଜୁ ହୋଇଛି।