କରୋନା ସହାୟତା ପାଇଁ ଲୋକେ ଟଙ୍କା ଯୋଗାଡ଼ କରିବାରେ ଲାଗିପଡ଼ିଛନ୍ତି। ଏଥିପାଇଁ କିଏ ଛାତ ଉପରେ ମାରାଥନ୍ କରୁଛନ୍ତି ତ କିଏ ସାଇକେଲିଂ ଆଉ କିଏ ଅନ୍ଲାଇନ୍ ମାଧ୍ୟମରେ ଟଙ୍କା ଯୋଗାଡ଼ କରୁଛନ୍ତି। ଏଥିରେ ସାମିଲ ହୋଇଛନ୍ତି ଜଣେ ୫ ବର୍ଷର ଦିବ୍ୟାଙ୍ଗ ବାଳକ ଟୋନି ହଡଗେଲ। ଇଂଲଣ୍ଡର କେଣ୍ଟରେ ରହୁଥିବା ଟୋନୀ ୧୦ କିମି ଚାଲି ୯ କୋଟିରୁ ଅଧିକ ଟଙ୍କା ଯୋଗାଡ଼ କରିଛନ୍ତି।
ଟୋନୀ ଜନ୍ମରୁ ଦିବ୍ୟାଙ୍ଗ। ସେ ଠିକ୍ ଭାବେ ଚାଲିପାରନ୍ତି ନାହିଁ। ଏହା ସତ୍ତ୍ୱେ ସେ ୧୦ କିମି ଓ୍ବାକ୍ରେ ଅଂଶଗ୍ରହଣ କରି ଏହାକୁ ପୁରା ମଧ୍ୟ କରିଛନ୍ତି। ଏଥିପାଇଁ ସେ ୧ ମିଳିୟନ୍ ଅର୍ଥାତ୍ ୯ କୋଟିରୁ ଅଧିକ ଟଙ୍କା ପାଇଛନ୍ତି।
ଟୋନୀଙ୍କ ମା’ ପାଲା କୁହନ୍ତି, ୨୦୧୬ରେ ସେ ଏବଂ ତାଙ୍କ ସ୍ବାମୀ ଟୋନୀଙ୍କୁ ପୋଷ୍ୟପୁତ୍ର ଭାବେ ଗ୍ରହଣ କରିଥିଲେ। ସେହି ସମୟରେ ଟୋନିଙ୍କ ଅବସ୍ଥା ବହୁତ ଖରାପ ଥିଲା। ତାଙ୍କ ଶରୀରର କିଛି ଅଂଶ କାମ କରୁ ନ ଥିଲା। ଓଜନ ମଧ୍ୟ ବହୁତ କମ୍ ଥିଲା। ଏହା ସତ୍ତ୍ୱେ ସେମାନେ ଟୋନୀକୁ ନିଜ ଘରକୁ ନେବାକୁ ନିଷ୍ପତ୍ତି ନେଇଥିଲେ। ପରେ ଟୋନିର କୃତ୍ରିମ ଗୋଡ଼ ଲଗାଗଲା। ଏହା ପୂର୍ବରୁ ଜଣେ ୯୬ ବର୍ଷୀୟ ବୃଦ୍ଧି କ୍ୟାପ୍ଟେନ ମୁରେ ନିଜ ବଗିଚାରେ ୧୦୦ ଲାପ୍୍ସ ଚାଲି ୩୩ ମିଲିୟନ୍ ପାଉଣ୍ଡ ଯୋଗାଡ଼ କରିଥିଲେ। ଏହାପରଠାରୁ ଟୋନି ତାଙ୍କପରି କିଛି କରିବାକୁ ଚାହୁଥିବା ପାଲା କୁହନ୍ତି। ଟୋନି ବଡ଼ ହୋଇ ପୋଲିସ ଅଫିସର ହେବାକୁ ଆଶା ରଖିଛନ୍ତି।