ନୂଆଦିଲ୍ଲୀ,୨୧।୨: ଦେଶକୁ ଆଧୁନିକ ଓ ବିକାଶଶୀଳ ରାଷ୍ଟ୍ରରେ ପରିଣତ କରିବା ପାଇଁ ସରକାର ଯୋଜନା ପ୍ରସ୍ତୁତ କରୁଛନ୍ତି। ଫଳରେ ଦେଶର ଆବଶ୍ୟକତା ପୂରଣ ହୋଇପାରୁଥିବା ପରିମାଣର ଟେଲିକମ୍ ଉପକରଣ ପାଇଁ ଏଇ ନିକଟରେ ୧୨ ହଜାର କୋଟି ଟଙ୍କା ମୂଲ୍ୟର ଏକ ପାଞ୍ଚବର୍ଷିଆ ଯୋଜନା(ସ୍କିମ୍)ର ଆରମ୍ଭ କରାଯାଇଛି। ଏହାଦ୍ବାରା ଭାରତରେ ଟେଲିକମ୍ ଗିୟର ଉତ୍ପାଦନ ବଢିିବ ବୋଲି ଜଣାପଡିଛି। ସାରା ବିଶ୍ବରେ ୫ଜି ଟେଲିକମ୍ ବିପ୍ଳବ ଆରମ୍ଭ ହେବାକୁ ଯାଉଥିବା ବେଳେ ଭାରତ ଏକ ବଡ଼ ଉତ୍ପାଦନକାରୀ ରାଷ୍ଟ୍ର ଭାବେ ନିଜକୁ ଉପସ୍ଥାପିତ କରିବା ଲାଗି ସରକାର ୧୨,୧୯୫ କୋଟି ଟଙ୍କାର ଉତ୍ପାଦନ ଲିଙ୍କ୍ଡ ପ୍ରୋତ୍ସାହନ (ପିଏଲ୍ଆଇ) ଯୋଜନାର ଆରମ୍ଭ କରିବା ସହ ଏହା ପାଇଁ ଆବଶ୍ୟକ ଅର୍ଥର ମଞ୍ଜୁର ପ୍ରଦାନ କରିଛନ୍ତି। ଆସନ୍ତା ଏପ୍ରିଲରୁ ଏହି ଯୋଜନା ଆରମ୍ଭ ହେବ। ଆଗାମୀ ୫ବର୍ଷରେ୨.୪ ଲକ୍ଷ କୋଟି ଟଙ୍କାର ଉତ୍ପାଦନ ଏବଂ ୨ ଲକ୍ଷ କୋଟି ଟଙ୍କାର ରପ୍ତାନି ପାଇଁ ସରକାର ଲକ୍ଷ୍ୟ ରଖିଛନ୍ତି। ପିଏଲ୍ଆଇ ସ୍କିମ୍ ଜରିଆରେ ୩୦୦୦ କୋଟି ଟଙ୍କାରୁ ଅଧିକ ମୂଲ୍ୟର ପୁଞ୍ଜିନିବେଶ ଆସିବ ଓ ଏହା ପ୍ରତ୍ୟକ୍ଷ ଓ ପରୋକ୍ଷ ନିଯୁକ୍ତି ସୁଯୋଗ ସୃଷ୍ଟି କରିବାରେ ସହାୟକ ହେବ ବୋଲି କୁହାଯାଉଛି।