ରାୟଗଡ଼ା,(ସ୍ବ.ପ୍ର.)/ଟିକିରି (ଡି.ଏନ.ଏ.)୨୦ା୩: ରାୟଗଡ଼ା ଜିଲାର ବିଭିନ୍ନ ସ୍ଥାନରେ ଶନିବାର ପ୍ରବଳ ବର୍ଷା ହୋଇଛି। କାଶୀପୁର ବ୍ଲକରେ ସର୍ବାଧିକ ବର୍ଷା ସହ କୁଆପଥର ମାଡ଼ ହୋଇଥିବାରୁ ଜିଲାର ଅନ୍ୟ ବ୍ଲକ ଅପେକ୍ଷା ଏଠାରେ ଅଧିକ ଫସଲ କ୍ଷୟକ୍ଷତି ହୋଇଛି। କାଶୀପୁର ତହସିଲଦାର ଶରତ ଶବରଙ୍କ ସୂଚନା ଅନୁଯାୟୀ, ଗୋରଖପୁର, ରେଙ୍ଗା ଓ କୁଚେଇପଦର ପଞ୍ଚାୟତରେ ଅଧିକ ଘର ଭାଙ୍ଗିବା ସହିତ ପରିବା ଚାଷ ମଧ୍ୟ କ୍ଷତିଗ୍ରସ୍ତ ହୋଇଛି। ବର୍ଷା ଓ କୁଆପଥର ମାଡ଼ରେ ୫୦ଏକରରୁ ଉର୍ଦ୍ଧ୍ୱ ଫସଲ ନଷ୍ଟ ହୋଇଛି। ଗୋରଖପୁର ପଞ୍ଚାୟତର ଲିମାଡୋର ଗ୍ରାମରେ କୋବି, ମକା, ଟମାଟୋ, ଭେଣ୍ଡି, ମଟରଚଣା, ସୂର୍ଯ୍ୟମୁଖୀ ଆଦି ଚାଷ ନଷ୍ଟ ହୋଇଥିବା ତହସିଲଦାର ଶବର କହିଛନ୍ତି ା ବ୍ଲକରେ ପ୍ରାୟ ୪୩ ଘର ଭାଙ୍ଗିଥିବା ସୂଚନା ମିଳିଛି। ସମସ୍ତ ଅଞ୍ଚଳର ରାଜସ୍ବ ନିରୀକ୍ଷକଙ୍କୁ ସେମାନଙ୍କ ସର୍କଲର ସ୍ଥିତି ଅନୁଧ୍ୟାନ କରି ରିପୋର୍ଟ ଦାଖଲ ପାଇଁ ତସହିଲଦାର ନିର୍ଦ୍ଦେଶ ଦେଇଛନ୍ତି ।