ରାଇରଙ୍ଗପୁର,୧୮ା୮(ମାନସ ମହାନ୍ତି): ମୟୂରଭଞ୍ଜ ଜିଲା ତିରିଂ ଥାନା ଅଧୀନ ତିରିଂ ଗ୍ରାମ ନିକଟସ୍ଥ ୨୨୦ନଂ. ଜାତୀୟ ରାଜପଥରେ ପୋଲିସ ଚଢ଼ାଉ କରି ୩ ଗଞ୍ଜେଇ ବେପାରୀଙ୍କୁ ଗିରଫ କରିବା ସହ ୬ କେଜି ଗଞ୍ଜେଇ ଜବତ କରିଛି। ଏଥିସହ ଗଞ୍ଜେଇ ବେପାରୀ ବ୍ୟବହାର କରିଥିବା ଏକ ଅଟୋ ଜବତ ହୋଇଛି। ଗିରଫ ୩ ଅଭିଯୁକ୍ତ ହେଲେ ଝାଡ଼ଖଣ୍ଡ ରାଜ୍ୟ କୁଆଳି ଥାନା ଅନ୍ତର୍ଗତ ରୁଲାଡିହି ଗ୍ରାମର ଯୋଗେଶ୍ୱର ମହାକୁଡ଼, ଧରମପାଲ ମହାକୁଡ଼ ଏବଂ ସୁଦାମ ମହାକୁଡ଼। ଜବତ ଗଞ୍ଜେଇର ମୂଲ୍ୟ ୫୦ ହଜାର ଟଙ୍କା ହେବ ବୋଲି ପୋଲିସ କହିଛି। ଏନେଇ ଏକ ମାମଲା(ନଂ.୧୧୨/୨୩) ରୁଜୁ ପରେ ଗୁରୁବାର ଅଭିଯୁକ୍ତମାନଙ୍କୁ କୋର୍ଟଚାଲାଣ କରାଯାଇଥିବା ଥାନା ଅଧିକାରୀ ଭାସ୍କର ପ୍ରଧାନ କହିଛନ୍ତି।
