ଖଇରା,୨୯ା୧୦(ଡି.ଏନ.ଏ.): ବାଲେଶ୍ୱର ଜିଲା ଖଇରା ବଜାର ବ୍ୟବସାୟୀଙ୍କ ସହଯୋଗରେ ପାଳିତ ହେଉଥିବା କାଳୀପୂଜା ଚଳିତ ବର୍ଷ ୫୦ ବର୍ଷରେ ପଦାର୍ପଣ କରିଛି। ସୋମବାର ରାତିରେ ପଣ୍ଡିତ ଦ୍ୱାରିକାନାଥ ଶତପଥୀ ଓ ପ୍ରଫୁଲ୍ଲ କୁମାର ତ୍ରୀପାଠୀଙ୍କ ଦ୍ୱାରା ମା’ଙ୍କ ପୂଜାର୍ଚ୍ଚନା କରାଯାଇଥିବା ବେଳେ ଯୋଗେଶ ଶତପଥୀ, ରବିନାରାୟଣ ଦାସ, ରତ୍ନାକର ସାହୁଙ୍କ ଦ୍ୱାରା ଘଟୋତ୍ତଳନ କରାଯାଇଥିଲା । ପ୍ରତ୍ୟେକ ସନ୍ଧ୍ୟାରେ ସୁସଜ୍ଜିତ ତୋରଣ,ପୂଜା ମଣ୍ଡପ ସହ ମେଳା ବୁଲିବାକୁ ଦର୍ଶକ ଭିଡ଼ ଜମାଉଥିବା ପରିଲକ୍ଷିତ ହୋଇଛି । ଚଳିତ ବର୍ଷ ପୂଜା ୮ଦିନ ଚାଲିବାକୁ ଥିବା ବେଳେ ରବିବାର ମେଲୋଡି ଏବଂ ସୋମବାର ଭସାଣି ଉତ୍ସବ ଅନୁଷ୍ଠିତ ହେବ। ଖଇରା ବଜାରର ପୂର୍ବତନ ବ୍ୟବସାୟୀ ସ୍ବର୍ଗତ ସୁଦର୍ଶନ ବାରିକ, ସ୍ବର୍ଗତ ନିରଞ୍ଜନ ମହାପାତ୍ର,ସ୍ବର୍ଗତ ରତ୍ନାକର ପଣ୍ଡା ଓ ବୟୋଜ୍ୟେଷ୍ଠ ରମାକାନ୍ତ ଲେଙ୍କାଙ୍କ ଦ୍ୱାରା ବ୍ୟବସାୟୀଙ୍କ ଉନ୍ନତି ଉଦ୍ଦେଶ୍ୟରେ ଅନ୍ୟୁନ ୫୦ବର୍ଷ ତଳେ ଛୋଟଧରଣର ପୁଜା ଆରମ୍ଭ ହୋଇଥିଲା ।
ଏବେ ପୂଜା କମିଟିର କର୍ମକର୍ତ୍ତା ଓ ସଦସ୍ୟ କ୍ୟାପ୍ଟେନ ରଘୁନାଥ ପାତ୍ର, ପ୍ରଶାନ୍ତ କୁମାର ବେହେରା, ଜଗତାନନ୍ଦ ମହାନ୍ତି, ରବୀନ୍ଦ୍ର ବିଶ୍ୱାଳ, ପୀତାମ୍ବର ନାୟକ, ବିଷ୍ଣୁପଦ ସାହୁ, ପୀତାମ୍ବର ନାୟକ, ଜିତେନ୍ଦ୍ର ରାଉତ, ରମେଶ ଲେଙ୍କା, ଦୟାନିଧି ଜେନା, ପୂର୍ଣଚନ୍ଦ୍ର ମୁଖୀ, ଚିତ୍ତରଞ୍ଜନ ବିଶ୍ୱାଳ, ଜିତେନ୍ଦ୍ର ବେହେରା ପ୍ରମୁଖଙ୍କ ସହଯୋଗରେ ଚଳିତ ପୂଜା ଶାନ୍ତିଶୃଙ୍ଖଳାର ସହ ପାଳନ କରାଯାଉଛି ।