କଟକ ଅଫିସ, ୧୦।୧୨-ଗ୍ୟାଙ୍ଗଷ୍ଟର ସୁଶାନ୍ତ ଧଳସାମନ୍ତ ଓ ସୁଶୀଳ ଧଳସାମନ୍ତଙ୍କ କଟକ ସ୍ଥିତ ସିଡିଏ ବାସଭବନରେ ଗୁରୁବାର ପୋଲିସ ଚଢାଉ କରି ବନ୍ଧୁକ, ଗୁଳି ଓ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରିଛି। ଏହି ଘଟଣାରେ ପୋଲିସ ୩ ଜଣଙ୍କୁ ଅଟକ ରଖିଛି। ସେହିପରି ଡି-ବ୍ରଦର୍ସଙ୍କ ଘରେ ଥିବା ଗୋଟିଏ ସିଲ ବାକ୍ସ ଭିତରୁ ୫୦୦ ରାଉଣ୍ଡ ଗୁଳି ମିଳିଛି। ଏଥିସହିତ ୭ଟି ବନ୍ଧୁକ ଓ ଏକାଧିକ ମୋବାଇଲ ମଧ୍ୟ ଜବତ କରାଯାଇଛି। ଜଣେ ଗିରଫ ବ୍ୟକ୍ତିଙ୍କ ସୂଚନା ଆଧାରରେ ଚଢାଉ ବେଳେ ଏସବୁ ଅସ୍ତ୍ରଶସ୍ତ୍ର ଜବତ ହୋଇଥିବା କଟକ ଡିସିପି ସୂଚନା ଦେଇଛନ୍ତି।