ଓଟାଓ୍ବା,୧୬।୧୧: କାନାଡା ପୋଷ୍ଟ କହିଛି ଜାତୀୟ ଧର୍ମଘଟ ସମୟରେ ବନ୍ଦ ରହିବ। ଏହା ସମଗ୍ର ଦେଶରେ ଲକ୍ଷ ଲକ୍ଷ କାନାଡିୟ ନାଗରିକ ଏବଂ ବ୍ୟବସାୟ ଉପରେ ପ୍ରଭାବ ପକାଇବ। କାନାଡିଆନ ୟୁନିଅନ ଅଫ ପୋଷ୍ଟାଲ ୱାର୍କର୍ସ (ସିୟୁପିଡବ୍ଲ୍ୟୁ) ଦ୍ୱାରା ପ୍ରତିନିଧିତ୍ୱ କରୁଥିବା ପ୍ରାୟ ୫୫,୦୦୦ ଡାକ କର୍ମଚାରୀ ଶୁକ୍ରବାର ମଧ୍ୟରାତ୍ରି ପରେ ଦେଶବ୍ୟାପୀ ଧର୍ମଘଟ କରିଥିଲେ।
କାନାଡା ପୋଷ୍ଟ ଶୁକ୍ରବାର ଏକ ବିବୃତ୍ତିରେ କହିଛି ଯେ ଜାତୀୟ ଧର୍ମଘଟ ସମୟରେ ମେଲ ଏବଂ ପାର୍ସଲ ବିତରଣ କରାଯିବ ନାହିଁ ଏବଂ କିଛି ଡାକଘର ବନ୍ଦ ରହିବ।
ଡାକ ନେଟୱାର୍କରେ ଥିବା ଆଇଟମଗୁଡିକ ପାଇଁ ସେବା ଗ୍ୟାରେଣ୍ଟି ପ୍ରଭାବିତ ହେବ ଏବଂ ଜାତୀୟ ବ୍ୟାଘାତ ଶେଷ ନହେବା ପର୍ଯ୍ୟନ୍ତ କୌଣସି ନୂତନ ଆଇଟମ ଗ୍ରହଣ କରାଯିବ ନାହିଁ ବୋଲି ବିବୃତ୍ତିରେ କୁହାଯାଇଛି।
ସମାଚାର ଏଜେନ୍ସି ସିହ୍ନୁଆ ରିପୋର୍ଟ କରିଛି ଯେ କାନାଡା ପୋଷ୍ଟ ଏକ ବିବୃତ୍ତିରେ କହିଛି ଯେ ଅପରେସନ ଆରମ୍ଭ ହେବା ପରେ ଆଇଟମଗୁଡିକ ଯଥାଶୀଘ୍ର ଲୋକଙ୍କୁ ପ୍ରଦାନ କରାଯିବ।
ଡାକ ନେଟୱାର୍କରେ ଥିବା ସମସ୍ତ ମେଲ ଏବଂ ପାର୍ସଲଗୁଡିକ ସୁରକ୍ଷିତ ହେବା ସହ କାର୍ଯ୍ୟ ଆରମ୍ଭ ହେବା ମାତ୍ରେ ଜନସାଧାରଣଙ୍କ ନିକଟରେ ପହଞ୍ଚାଇବ।
ସୂଚନାଯୋଗ୍ର, ସମଗ୍ର ଦେଶରେ ଏହାର ସୁବିଧା ବନ୍ଦ ହେବା କାନାଡା ପୋଷ୍ଟର ସମଗ୍ର ଜାତୀୟ ନେଟୱାର୍କ ଉପରେ ପ୍ରଭାବ ପକାଇବ । କମ୍ପାନୀ କହିଛି ଯେ ପ୍ରକ୍ରିୟାକରଣ ଏବଂ ବିତରଣ ସଂପୂର୍ଣ୍ଣ ସ୍ବାଭାବିକ ହେବା ପାଇଁ କିଛି ସମୟ ଲାଗିପାରେ।
କାନାଡିଆନ ୟୁନିଅନ ଅଫ ପୋଷ୍ଟାଲ ୱାର୍କର୍ସ (ସିୟୁପିଡବ୍ଲ୍ୟୁ) କହିଛି ଯେ ଡାକ କର୍ମଚାରୀମାନେ ଏକ ବର୍ଷ ଧରି ବୁଝାମଣା କରି କୌଣସି ଅଗ୍ରଗତି ନକରିବା ପରେ ଧର୍ମଘଟ କରିବା ଭଳି କଷ୍ଟକର ନିଷ୍ପତ୍ତି ନେଇଛନ୍ତି।
ସିୟୁପିଡବ୍ଲ୍ୟୁ କହିଛି ଯେ କାନାଡା ପୋଷ୍ଟକୁ ଧର୍ମଘଟ ବନ୍ଦ କରିବାର ସୁଯୋଗ ରହିଛି, କିନ୍ତୁ ଡାକ କର୍ମଚାରୀମାନେ ପ୍ରତିଦିନ ସମ୍ମୁଖୀନ ହେଉଥିବା ସମସ୍ୟାର ପ୍ରକୃତ ସମାଧାନ ପାଇଁ ବୁଝାମଣା କରିବାକୁ ମନା କରି ଦେଇଛନ୍ତି। ସିୟୁପିଡବ୍ଲ୍ୟୁ କହିଛି ଯେ ଏହି ଧର୍ମଘଟ ହେଉଛି ଶେଷ ପନ୍ଥା।