ନୂଆଦିଲ୍ଲୀ,୧୧।୧୨: ଦେଶର ୯୫ କୋଟି ପଞ୍ଜୀକୃତ ଭୋଟରଙ୍କ ମଧ୍ୟରୁ ପାଖାପାଖି ୫୬ କୋଟି ସେମାନଙ୍କ ଭୋଟର ପରିଚୟ ପତ୍ର ସହ ଆଧାର ଲିଙ୍କ୍ କରିଛନ୍ତି। ଭୋଟର ତାଲିକାରୁ ଜାଲ୍ ଭୋଟରଙ୍କୁ ହଟାଇବା ପାଇଁ ଏହାକୁ ଆଧାର ନମ୍ବର ସହ ସଂଯୋଗ କରିବା ଲାଗି ପଦକ୍ଷେପ ନିଆଯାଇଥିଲା। ସ୍ବେଚ୍ଛାକୃତ ଭାବେ ଆଧାରକୁ ଭୋଟର ପରିଚୟ ପତ୍ର ସହ ଲିଙ୍କ୍ କରିବା ନିମନ୍ତେ ଗତବର୍ଷ ଡିସେମ୍ବରରେ ଜନପ୍ରତିନିଧି ଆଇନରେ ସଂଶୋଧନ କରାଯାଇଥିଲା। ପରେ କେନ୍ଦ୍ର ଆଇନ ମନ୍ତ୍ରଣାଳୟ ପକ୍ଷରୁ ନିୟମାବଳୀ ଜାରି କରାଯାଇଥିଲା। ଉକ୍ତ ବିଜ୍ଞପ୍ତି ଅନୁଯାୟୀ ନୂଆ ଭୋଟର ଫର୍ମ ୬ବି ବ୍ୟବହାର କରିବାକୁ ଏବଂ ଅନ୍ୟମାନଙ୍କୁ ନିର୍ବାଚନ କର୍ତ୍ତୃପକ୍ଷଙ୍କ ସହ ସେମାନଙ୍କ ଆଧାର ନମ୍ବର ଶେୟାର କରିବାକୁ କୁହାଯାଇଥିଲା। ଏଥିପାଇଁ ୨୦୨୩ ଏପ୍ରିଲ ୧କୁ ଶେଷ ତାରିଖ ଧାର୍ଯ୍ୟ କରାଯାଇଛି।