କୋରାପୁଟ,୨୫ା୯(ସ୍ବ.ପ୍ର.): କୋରାପୁଟ ଜିଲାରୁ ଶୁକ୍ରବାର ଆଉ ୭୨ କରୋନା ପଜିଟିଭ୍ ଚିହ୍ନଟ ହୋଇଥିବା ଜିଲାପାଳ ମଧୁସୂଦନ ମିଶ୍ର ସୁଚନା ଦେଇଛନ୍ତି। ଏହାକୁ ମିଶାଇ ଜିଲାରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୫,୮୦୧କୁ ବୃଦ୍ଧିପାଇଛି। ଆଜି ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ୫୫ ଜଣ ପୁରୁଷ ଏବଂ ୧୭ ଜଣ ମହିଳା ଅଛନ୍ତି। କ୍ୱାରାଣ୍ଟାଇନ୍ ସେଣ୍ଟରରୁ ୫, ପୂର୍ବ ପଜିଟିଭ୍ଙ୍କ ସଂସ୍ପର୍ଶରେ ଆସି ୩୭ ଓ ୩୦ ଜଣ ସ୍ଥାନୀୟ ସଂକ୍ରମିତ ଅଟନ୍ତି।
ସେହିପରି ଜଣେ ଆନ୍ଧ୍ରପ୍ରଦେଶ ଫେରନ୍ତା ହୋଇଥିବା ବେଳେ ଜଣେ ଛତିଶଗଡ଼, ୨ ଜଣ କନ୍ଧମାଳ ଓ ଜଣେ ଗଞ୍ଜାମ ଫେରନ୍ତା ରହିଛନ୍ତି। ଆକ୍ରାନ୍ତଙ୍କ ମଧ୍ୟରେ ଜୟପୁର ମ୍ୟୁନିସପାଲିଟିରୁ ୬, କୋରାପୁଟରୁ ୧୫, ସୁନାବେଡ଼ାରୁ ୯ ଓ କୋଟପାଡ଼ ଏନ୍ଏସିରୁ ୪ ଜଣ ଚିହ୍ନଟ ହୋଇଛନ୍ତି। ସେହିପରି କୋରାପୁଟ ବ୍ଲକରୁ ୩, ବୈପାରୀଗୁଡ଼ାରୁ ୩, ବୋରିଗୁମ୍ମାରୁ ୨, ବନ୍ଧୁଗାଁରୁ ୩, ଜୟପୁରରୁ ୨ ଜଣ, କୋଟପାଡ଼ରୁ ଜଣେ, ଲମତାପୁଟରୁ ୨, କୁନ୍ଦ୍ରାରୁ ୧୧, ନାରାୟଣପାଟଣାରୁ ଜଣେ, ନନ୍ଦପୁରରୁ ୪, ପଟ୍ଟାଙ୍ଗିରୁ ଜଣେ ଓ ସେମିଳିଗୁଡ଼ା ବ୍ଲକ ଅଞ୍ଚଳରୁ ୫ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।