ନୂଆଦିଲ୍ଲୀ, ୨୭।୭ : ଭାରତ ବର୍ତ୍ତମାନ ଚାଇନା ସୀମାରେ ସୁରକ୍ଷା ବ୍ୟବସ୍ଥା କଡ଼ାକଡ଼ି ପାଇଁ ପ୍ରସ୍ତୁତ ହେଉଛି। ୫-ଜି ଟେକ୍ନୋଲୋଜିର ସ୍ପେକ୍ଟ୍ରମ ନିଲାମ ସହିତ ଭାରତ ମଧ୍ୟ ସୀମା ଅଞ୍ଚଳର, ପାର୍ବତ୍ୟ ଅଞ୍ଚଳରେ ୧୮୦୦୦ ଫୁଟ ଉଚ୍ଚରେ, ୫-ଜି ଟେକ୍ନୋଲୋଜି ନିୟୋଜନ କରିବାକୁ ପ୍ରସ୍ତୁତ ହେଉଛି। ଚାଇନା ସହିତ ବର୍ତ୍ତମାନ ଭାରତ ୫-ଜି ଦ୍ୱାରା ମୁକାବିଲା କରିବ। କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ ୫-ଜିର ଉତ୍ତମ ପ୍ରତିକ୍ରିୟା ବିଷୟରେ କହିଥିଲେ। ଏଥି ସହିତ ହାଇ ସ୍ପିଡ ନେଟୱାର୍କକୁ ପାର୍ବତ୍ୟ, ଅପହଞ୍ଚ ଅଞ୍ଚଳ ସହିତ ସୀମାରେ ଉପଲବ୍ଧ କରାଯିବ ବୋଲି ସେ ହକିଥିଲେ। ଯାହା ଦ୍ୱାରା ଭାରତୀୟ ସୀମା ଅଧିକ ସୁରକ୍ଷିତ ହୋଇପାରିବ ଏବଂ ଚାଇନା-ପାକିସ୍ତାନକୁ କଡ଼ା ଜବାବ ମିଳି ପାରିବ।
ଭାରତୀୟ ସେନା ପକ୍ଷରୁ ରିକ୍ୱେଷ୍ଟ ଫର୍ ଇନଫରମଶେନ (ଆରଏଫଆଇ) ଜାରି କରିଛି। ଯାହାଫଳରେ ମୋବାଇଲ ଯୋଗାଯୋଗ କମ୍ପାନୀଗୁଡିକ ସେଠାରେ ହାଇ ସ୍ପିଡ ନେଟୱାର୍କ ସହିତ ଏକ ମୋବାଇଲ ସିଷ୍ଟମ ସେଟ ଅପ କରିପାରିବେ। ଆରଏଫଆଇ ମାଧ୍ୟମରେ ଭାରତୀୟ ଯବାନମାନେ ଯୋଗାଯୋଗର ଏକ ଉତ୍ତମ ମାଧ୍ୟମ ପାଇପାରିବେ, ଯେଉଁମାନେ ପାହାଡ ଉପରେ ଏବଂ ୧୮,୦୦୦ଫୁଟ ଉଚ୍ଚରେ ମୁତୟନ ଅଛନ୍ତି। ସେମାନଙ୍କୁ ଉନ୍ନତ ନେଟୱାର୍କ ସହିତ ଯୋଡ଼ା ଯାଇପାରିବ। ଏକ ନେଟୱାର୍କ ଯାହା ଅଭେଦ୍ୟ ହେବ ଏବଂ ସୁରକ୍ଷିତ ଭଏସ ମେସେଜରୁ ତଥ୍ୟକୁ ଅଧିକ ସୁରକ୍ଷିତ କରିବ। କେନ୍ଦ୍ର ମନ୍ତ୍ରୀ ନ୍ୟୁଜ୍ ନେଶନର ଏକ ପ୍ରଶ୍ନର ଉତ୍ତର ଦେଇ କହିଛନ୍ତି ଯେ ଚଳିତ ବର୍ଷ ଶେଷ ସୁଦ୍ଧା ସାଧାରଣ ଲୋକଙ୍କ ପାଇଁ ୫-ଜି ସୁବିଧା ଉପଲବ୍ଧ ହେବ ଏବଂ ଅଗଷ୍ଟ ୧୫ ପୂର୍ବରୁ ସମସ୍ତ ସ୍ପେକ୍ଟ୍ରମ ଆବଣ୍ଟନ କରାଯିବ।
ସୂଚନାଯୋଗ୍ୟ, ଚାଇନା ଲାଇନ ଅଫ ଆକ୍ଟୁଆଲ କଣ୍ଟ୍ରୋଲ ନିକଟରେ ଅନେକ ସ୍ଥାନରେ ୫-ଜି ନେଟୱାର୍କ ପ୍ରତିଷ୍ଠା କରିଛି। ଲଦାଖରେ ଭାରତୀୟ ଏବଂ ଚାଇନ ବାହିନୀ ମଧ୍ୟରେ ବିବାଦ ପରେ ଚାଇନା ପକ୍ଷରୁ ୨୦୨୦ରେ ଏହି କାର୍ଯ୍ୟ କରାଯାଇଥିଲା।