ଉତ୍ତରପ୍ରଦେଶର ଶାହାଜାହାଁପୁରର ଜଣେ କୃଷକ ନିଜ କ୍ଷେତରେ କୋବିଚାଷ କରିଛନ୍ତି। ଏହି ଚାଷ ଖୁବ୍ ଭଲ ବି ହୋଇଛି। ସବୁଠୁ ଆଶ୍ଚର୍ଯ୍ୟଜନକ କଥା ହେଲା ଚାଷୀ ଜଣକ ଯେଉଁ କୋବି ଲଗାଇଛନ୍ତି, ଗୋଟିଏ ଗଛରେ ଏକାବେଳକେ ୬ଟି କୋବି ଫଳିଛି। ଏହା ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି। ଏହି କୋବିର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି।
ସାଧାରଣତଃ ଗୋଟିଏ ଗଛରେ କୋଟିଏ ହିଁ କୋବି ଫଳିଥାଏ। ମାତ୍ର କୃଷକ ହରି ଶରଣ ବାଜପେୟୀ ତାଙ୍କ କ୍ଷେତରେ ଲଗାଇଥିବା ଗୋଟିଏ କୋବି ଗଛରେ ୬ଟି କୋବି ହୋଇଛି। ଏହା ଦେଖି ହରି ମଧ୍ୟ ଆଶ୍ଚର୍ଯ୍ୟ ପ୍ରକାଶ କରିଛନ୍ତି। ଏହି କୋବିକୁ ଦେଖିବା ପାଇଁ ଅନ୍ୟ ଜିଲାରୁ ଲୋକେ ଆସୁଛନ୍ତି। ସ୍ଥାନୀୟ ଲୋକଙ୍କ କହିବାନୁଯାୟୀ, ଗୋଟିଏ ଗଛରେ ୬ଟି କୋବି ଫଳିଛି। ଯାହା ଆମେ କେବେ ଜୀବନରେ ଦେଖିନାହୁଁ। ଗ୍ରାମବାସୀ ଏହି କୋବି ସହିତ ଫଟୋ ମଧ୍ୟ ଉଠାଉଛନ୍ତି।
ହରି କୁହନ୍ତି, ସେ ତାଙ୍କ କ୍ଷେତରେ କୋବି ଗଛ ଲଗାଇଥିଲେ। ଏଥିରୁ ଗୋଟିଏ ଗଛରେ ୬ଟି କୋବି ହୋଇଛି। ଯେତେବେଳେ ସେ ଏହି କୋବିର ଫଟୋ ସୋସିଆଲ ମିଡିଆରେ ଶେୟାର କଲେ, ଏହା ଖୁବ୍ ଭାଇରାଲ ହୋଇଥିଲା। କୃଷି ବୈଜ୍ଞାନିକମାନେ ଏହି ଫୁଲକୋବି ଉପରେ ଗବେଷଣା ପାଇଁ ଏକ ଟିମ୍ ଗଠନ କରିଛନ୍ତି। ପୂରା ଅଞ୍ଚଳରେ ଏହି କୋବିକୁ ନେଇ ଚର୍ଚ୍ଚା ହେଉଛି।