ରାଜନଗର,୨୯ା୧୧(ଡି.ଏନ.ଏ.): ପାଗଳା ବିଲୁଆ ଆକ୍ରମଣରେ ୬ଜଣ ଆହତ ହୋଇଛନ୍ତି। ଆହତମାନଙ୍କୁ ରାଜନଗର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ଜଣଙ୍କର ଅବସ୍ଥା ଗୁରୁତର ହୋଇଥିବାରୁ ତାଙ୍କୁ ପ୍ରଥମେ କେନ୍ଦ୍ରାପଡ଼ା ମୁଖ୍ୟ ଚିକିସତ୍ାଳୟ ଓ ପରେ କଟକ ବଡମେଡିକାଲକୁ ସ୍ଥାନାନ୍ତରିତ କରାଯାଇଛି। ସୂଚନା ଅନୁଯାୟୀ, ରାଜନଗର ବ୍ଲକ ଧାନଦିଆ ଗାଁରେ ସୋମବାର ସକାଳେ ପାଗଳା ବିଲୁଆ ଉପତ୍ାତ ଯୋଗୁ ଲୋକେ ଘରର କବାଟ ବନ୍ଦ କରି ରହିଥିଲେ। ଭୋର ପ୍ରାୟ ୫ଟା ସମୟରେ ସେହି ପାଗଳା ବିଲୁଆ ଧାନଦିଆ ଗାଁ ଦାଣ୍ଡରେ ଗୋଡେଇ ଗୋଡେଇ ଲୋକଙ୍କୁ ଆକ୍ରମଣ କରିଥିଲା। ଗାଁର ଅଭିରାମ ପରିଡ଼ା ଗାଁ ଛକକୁ ଯାଉଥିବା ବେଳେ ପାଗଳ ବିଲୁଆ ଆକ୍ରମଣରେ ଆହତ ହୋଇଥିଲେ। ବିଲୁଆଟି ଅଭିରାମଙ୍କ ପେଟକୁ ଆକ୍ରମଣ କରିଥିଲା। ଏହାପରେ ଗାଁର ଅନନ୍ତ କଅଁର, ଗଜିଆ ସେଠୀ, ଗୌରହରି ପରିଡା, ଆରତୀ ପରିଡା ଓ ଉଷାରାଣି ପରିଡାଙ୍କୁ ବିଲୁଆ ଆକ୍ରମଣ କରିଥିଲା। ସମସ୍ତଙ୍କୁ ରାଜନଗର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା ା ମାତ୍ର ଉଷାରାଣୀଙ୍କ ମୁହଁ ଏବଂ ଗୋଡରେ ଅଧିକ କ୍ଷତ ସୃଷ୍ଟି ହୋଇଥିବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି। ଏହି ଘଟଣା ପରେ ଗ୍ରାମବାସୀ ବିଲୁଆକୁ ପିଟି ପିଟି ମାରିଦେଇଛନ୍ତି।