ଭବାନୀପାଟଣା,୧।୨(ଉମ କୁମାର ଦାଶ): କଳାହାଣ୍ଡି ଜିଲା ଏମ୍. ରାମପୁର ବ୍ଲକ ସାଁଦୁଲ ବ୍ୟାରେଜରେ ଗତ ୪ ମାସ ହେବ ତେଲଙ୍ଗାନା ମେହବୁବନଗର ଜିଲା ଶେଖପାଲେ ଓ ନେଇନାନପାଲି ଅଳର ୬ଜଣ ଦାଦନ ଶ୍ରମିକ କାମ କରୁଥିଲେ। ସମସ୍ତେ ଆଦିବାସୀ ସମ୍ପ୍ରଦାୟର ହୋଇଥିବାବେଳେ ସେଥିମଧ୍ୟରୁ ୪ଜଣ ପୁରୁଷ ଓ ୨ ଜଣ ମହିଳା ଥିଲେ। ସେମାନଙ୍କୁ ଶୋଷଣ କରାଯାଉଥିବା ଅଭିଯୋଗ ହୋଇଥିଲା। ଶେଷରେ କଳାହାଣ୍ଡି ଜିଲାପାଳ ଘଟଣାର ହସ୍ତକ୍ଷେପ କରିବା ପରେ ସେମାନେ ଉଦ୍ଧାର ପାଇ ବୁଧବାର ନିଜ ଗାଁକୁ ଫେରିଛନ୍ତି।
ଗୁରୁବାର ଶ୍ରମିକମାନେ ନିଜ ଗାଁରେ ପହି ଥିବା ଜଣାପଡିଛି। ଶ୍ରମିକମାନଙ୍କୁ ନିଜ ରାଜ୍ୟରେ କୌଣସି ସ୍ଥାନରେ କାମ ଯୋଗାଇ ଦେବାକୁ ପ୍ରତିଶ୍ରୁତି ଦେଇ ଦାଦନ ସରଦାର ମାନ୍ୟମକୋଣ୍ଡା ୪ ମାସ ତଳେ ଆଣି ସାଁଦୁଲ ବ୍ୟାରେଜରେ ଠିକାଦାରଙ୍କ ପାଖରେ ଛାଡି ଦେଇଥିଲେ। ସେମାନେ ସରଦାରଠାରୁ ନେଇଥିବା ଋଣ ଶୁଝିବା ସହିତ ମାସକୁ ୬ ହଜାର ଟଙ୍କା ଲେଖାଏ ପାରିଶ୍ରମିକ ପାଇବେ ବୋଲି ପ୍ରତିଶ୍ରୁତି ପାଇଥିଲେ ମଧ୍ୟ କାମ କରିବା ଦିନଠାରୁ ଟଙ୍କାଟିଏ ମଧ୍ୟ ପାଇ ନ ଥିବା ପ୍ରକାଶ କରିଛନ୍ତି।
ଶ୍ରମିକମାନଙ୍କ ମଧ୍ୟରୁ ୩ଜଣ ଶ୍ରମିକ ଦସ୍ତାଗିରି, ଡି. କ୍ରିଷ୍ଣ, ଓ ଡି. ରାମୁଲୁ କଳାହାଣ୍ଡି ଜିଲା ଭବାନୀପାଟଣା ସହରର ମାନବାଧିକାର କର୍ମୀ ଦିଲୀପ କୁମାର ଦାସ ଓ ବଲାଙ୍ଗୀର ଗୋତି ଶ୍ରମିକ ସଙ୍ଗଠନ କର୍ମର୍କାମାନଙ୍କୁ ଯୋଗାଯୋଗ କରି ନିଜ ସମସ୍ୟା ବିଷୟରେ କହିଥିଲେ। ଏହାସହ ଠିକାଦାରଙ୍କ ଲୋକ ସେମାନଙ୍କୁ ସବୁବେଳେ ଜଗି ରହୁଛନ୍ତି ଓ କୌଣସି ସ୍ଥାନକୁ ଛାଡୁନାହାନ୍ତି, ତାସହିତ ପାରିଶ୍ରମିକ ବାବଦକୁ ଚୁକ୍ତି କରିଥିବା ଅର୍ଥରୁ ଟଙ୍କାଟିଏ ମଧ୍ୟ ଦେଉ ନାହାନ୍ତି ତେଣୁ ସେମାନେ ବହୁ କଷ୍ଟରେ ଜୀବନ ଯାପନ କରୁଛନ୍ତି ବୋଲି କହିଥିଲେ। ଫଳରେ ସେମାନେ କାମ ଛାଡି ନିଜ ଗାଁକୁ ଫେରି ଯିବାକୁ ଚାହିଁଲେ ବି ଠିକାଦାର ସେମାନଙ୍କୁ ଯିବାକୁ ଦେଉନାହିଁ ବୋଲି ଅଭିଯୋଗ ଆଣିଥିଲେ।
ସାମାଜିକ କର୍ମୀ ଏସବୁ ଅବଗତ ହେଲା ପରେ ଗତ ୨୯ ତାରିଖରେ କଳାହାଣ୍ଡି ଜିଲାପାଳଙ୍କୁ ସାକ୍ଷାତ କରି ଅଭିଯୋଗ ଦାଖଲ କରିଥିଲେ। ଏହାସହ ଶ୍ରମିକମାନଙ୍କ ଦୁର୍ଦ୍ଦଶା ବିଷୟରେ ଅବଗତ କରାଇଥିଲେ। ଏହାପରେ ଜିଲାପାଳ, ଶ୍ରମ ବିଭାଗ, ଜଳସମ୍ପଦ ବିଭାଗ ଓ ପାୟତିରାଜ ବିଭାଗର ଜିଲାସ୍ତରୀୟ ଅଧିକାରୀମାନଙ୍କୁ ଏ ଦିଗରେ ପଦକ୍ଷେପ ନେଇ ଶ୍ରମିକଙ୍କୁ ଉଦ୍ଧାର କରିବାକୁ ନିର୍ଦ୍ଦେଶ ଦେଇଥିଲେ। ଅଧିକାରୀମାନେ ଶ୍ରମିକମାନଙ୍କୁ ଉଦ୍ଧାର କରି ନିଜ ନିଜ ଗାଁକୁ ପଠାଇଥିଲେ।