ନୂଆଦିଲ୍ଲୀ, ୨୬ା୨:ଝାଡ଼ଖଣ୍ଡର ସିଂଘଭୂମ୍ ଜିଲାରୁ ଜଣେ ଆତ୍ମଘୋଷିତ କମାଣ୍ଡରଙ୍କ ସମେତ ୬ ମାଓବାଦୀଙ୍କୁ ଗିରଫ କରାଯିବା ସହ ସେମାନଙ୍କଠାରୁ ବିସ୍ଫୋରକ ସାମଗ୍ରୀ ଜବତ ହୋଇଛି। କେତେଜଣ ମାଓବାଦୀ ସେମାନଙ୍କ କମାଣ୍ଡରଙ୍କୁ ବିସ୍ଫୋରକ ଦେବାକୁ ଯାଉଥିବା ସୂଚନା ପାଇବା ପରେ ସେମାନଙ୍କୁ ଧରିବା ଲାଗି ପୋଲିସର ଏକ ଟିମ୍ ଗଠନ କରାଯାଇଥିଲା ବୋଲି ଏସ୍ପି ଆଶୁତୋଷ ଶେଖର କହିଛନ୍ତି। ଉକ୍ତ ଟିମ୍ ବାରିପୋଖରୀ ଗ୍ରାମକୁ ଯାଇଥିବା ଏକ ରାସ୍ତାକୁ ଚାରିପଟୁ ଘେରି ବ୍ୟାପକ ଯାଞ୍ଚ ଚଳାଇଥିଲା। ଏହି ସମୟରେ ବୋଜ୍ ହେମ୍ବ୍ରମ ଓରଫ କିଶୁନ ହେମ୍ବ୍ରମ୍ଙ୍କ ସମେତ ୬ ମାଓବାଦୀଙ୍କୁ ଗିରଫ କରାଯିବା ସହ ଡେଟୋନେଟର ଓ ଜିଲୋଟିନ୍ ଜବତ ହୋଇଥିଲା।