3D illustration
କୋରାପୁଟ,୮ା୭(ସ୍ବ.ପ୍ର.): କୋରାପୁଟ ଜିଲାରେ ବୁଧବାର ପୁଣି ୬ କରୋନା ପଜିଟିଭ୍ ଚିହ୍ନଟ ହୋଇଥିବା ଜିଲା ପ୍ରଶାସନ ପକ୍ଷରୁ ପ୍ରକାଶ ପାଇଛି। ସେଥିମଧ୍ୟରୁ ଜଣେ ସଙ୍ଗରୋଧ କେନ୍ଦ୍ରରୁ , ୨ ଜଣ ଘରୋଇ କ୍ୱାରାଣ୍ଟାଇନ୍ରୁ ଏବଂ ୩ ଜଣ ସ୍ଥାନୀୟ ଅଞ୍ଚଳରୁ ଚିହ୍ନଟ ହୋଇଛନ୍ତି।
ମିଳିଥିବା ସୂଚନା ଅନୁଯାୟୀ, ଦାମନଯୋଡ଼ି ସଙ୍ଗରୋଧ କେନ୍ଦ୍ରରୁ ଜଣେ ସିଆଇଏସ୍ଏଫ୍ ଯବାନ (କଟକ ଫେରନ୍ତା) ହୋଇଥିବାବେଳେ କୋରାପୁଟ ମ୍ୟୁନିସିପାଲଟି ଅଞ୍ଚଳରୁ ଜଣେ ଓ ଜୟପୁର ମ୍ୟୁନିସପାଲିଟିରୁ ଜଣେ ଏପରିକି ୨ ଜଣ (ଗଞ୍ଜାମ ଫେରନ୍ତା)। ଉଭୟ ଘରୋଇ କ୍ୱାରାଣ୍ଟାଇନ୍ରେ ଥିଲେ ଏବଂ କୋରାପୁଟ ଓ ବୋରିଗୁମ୍ମା ବ୍ଲକ ଅଞ୍ଚଳରୁ ୩ ପଜିଟିଭ୍ ଚିହ୍ନଟ ହୋଇଛନ୍ତି ା ଉପରୋକ୍ତ ୩ ପଜିଟିଭ୍ଙ୍କ ସଂସ୍ପର୍ଶରେ ଆସି ପଜିଟିଭ୍ ହୋଇଥିବା ଜିଲା ପ୍ରଶାସନ ପକ୍ଷରୁ ଜଣାଯାଇଛି ା କୋରାପୁଟରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାବେଳେ ଜିଲାପାଳ ମଧୁସୂଦନ ମିଶ୍ର ଏନେଇ କଠୋର ପଦକ୍ଷେପ ଗ୍ରହଣ କରିବା ସହ ଛାତ୍ରୀଛାତ୍ରଙ୍କ ଘରୋଇ ଟିଉସନ୍କୁ ସମ୍ପୂର୍ଣ୍ଣ ବନ୍ଦ କରିବା ସହ ଅଭିଯୋଗ ହେଲେ ସଂପୃକ୍ତ ଟିଉସନ୍ ଶିକ୍ଷକଙ୍କ ବିରୋଧରେ ଦୃଢ ପଦକ୍ଷେପ ନେବାକୁ ବିଭାଗୀୟ ଅଧିକାରୀ ନିର୍ଦ୍ଦେଶ ଦେଇଛନ୍ତି।