ତୁଳସୀ ଦୁଇ ପତ୍ରରୁ ବାସେ। ଅର୍ଥାତ୍ ଛୋଟ ବେଳୁ ହିଁ ପିଲାଙ୍କ ଭିତରେ ଥିବା ଅନେକ ଗୁଣ ଓ ପ୍ରତିଭା ବିଷୟରେ ଜଣାପଡ଼ିଥାଏ। ଏହି ଉକ୍ତିଟିକୁ ସାର୍ଥକ କରିଦେଖାଛନ୍ତି ୬ବର୍ଷର ଅର୍ନା ଗୁପ୍ତା ନାମକ ଜଣେ କୁନି ଝିଅ। ମାତ୍ର ଗୋଟିଏ ମିନିଟ୍ରେ ଅର୍ନା ୯୩ଟି ବିମାନକୁ ଚିହ୍ନି ଏକ ରେକର୍ଡ କରିଛନ୍ତି। ତେବେ ସବୁଠାରୁ ବଡ଼ କଥା ହେଲା ଅର୍ନା ବିମାନର ପଛ ଭାଗ ବା ଟେଲ ବୋନକୁ ଦେଖି ଏହା କେଉଁ ବିମାନ ବୋଲି ଜାଣିପାରନ୍ତି। ଯାହାର ଚର୍ଚ୍ଚା ଏବେ ଦେଶରେ ନୁହେଁ ବରଂ ବିଦେଶରେ ବି ହେଉଛି। ଅର୍ନାଙ୍କ ଏହି ସଫଳତା ପାଇଁ ତାଙ୍କର ନାଁ ଗିନିଜ୍ ଓ୍ବାଲର୍ଡ ରେକର୍ଡରେ ସ୍ଥାନ ପାଇଛି। ଯେଉଁଥିପାଇଁ ତାଙ୍କୁ ଚଳିତ ବର୍ଷ ଅର୍ଥାତ୍ ୨୦୨୧ ଜୁଲାଇ ୧ରେ ଏକ ସାର୍ଟିଫିକେଟ ପ୍ରଦାନ କରାଯାଇଛି। ଅର୍ନାଙ୍କ ସଫଳତା ପଛରେ ତାଙ୍କର ମା’ଙ୍କ ଯୋଗଦାନ ଥିବା ବେଳେ ଏସବୁର ଅଭ୍ୟାସ ମଧ୍ୟ ତାଙ୍କ ମା’ କରାଇଛନ୍ତି ବୋଲି ଅର୍ନା କହିଛନ୍ତି। ସୂଚନା ମୁତାବକ ଏହା ପୂର୍ବରୁ ଏହି ରେକର୍ଡଟି ଏକ ମିନିଟ୍ରେ ୩୯ଟି ବିମାନକୁ ଚିହ୍ନଟ କରିବାର ଥିଲା। ଏଥିରେ ବି ଅର୍ନା ସଫଳତା ହାସଲ କରିଥିଲେ।
