ନୂଆଦିଲ୍ଲୀ, ୨୯।୯ : ଆଜିକୁ ୬ବର୍ଷ ପୂର୍ବେ ପିଓକେରେ ପ୍ରବେଶ କରିଥିବା ୫୦ ଜଣ ଆତଙ୍କବାଦୀଙ୍କ ଉପରେ ସର୍ଜିକାଲ ଷ୍ଟ୍ରାଇକ କରି ଭାରତୀୟ ସେନା ସମଗ୍ର ବିଶ୍ୱକୁ ଚକିତ କରିଥିଲା। ଉରି, ଜମ୍ମୁ-କଶ୍ମୀରର ଏକ ସେନା ଶିବିର ଉପରେ ହୋଇଥିବା ଆକ୍ରମଣରେ ଶହୀଦ ହୋଇଥିବା ୧୯ ଯବାନଙ୍କ ମୃତ୍ୟୁର ପ୍ରତିଶୋଧ ନିଆ ଯାଇଥିଲା।
୧୮ ସେପ୍ଟେମ୍ବର ୦୧୬ ରେ ଉରିରେ ଆତଙ୍କବାଦୀମାନେ ଆକ୍ରମଣ କରିଥିଲେ। ଏଥିରେ ୧୯ ଜଣ ଯବାନ ଶହୀଦ ହୋଇଥିଲେ। ଏହି କାରଣରୁ ସମଗ୍ର ଦେଶରେ ଆତଙ୍କବାଦୀ ଏବଂ ସେମାନଙ୍କ ଆଶ୍ରୟଦାତା ପାକିସ୍ତାନ ବିରୁଦ୍ଧରେ ପ୍ରବଳ କ୍ରୋଧ ହୋଇଥିଲା। ଭାରତ ସରକାର ମଧ୍ୟ ପ୍ରତିଶୋଧ ନିଆଁରେ ଜଳୁଥିଲେ। ଶେଷରେ ସେନା ଏକ ସର୍ଜିକାଲ ଷ୍ଟ୍ରାଇକ ଯୋଜନା କରି ପାକିସ୍ତାନ ଅଧିକୃତ କଶ୍ମୀରରେ ପ୍ରବେଶ କରି ଆତଙ୍କବାଦୀଙ୍କୁ ଘରେ ପଶି ହତ୍ୟା କରିଥିଲା।
୨୮-୨୯ ସେପ୍ଟେମ୍ବର ୨୦୧୬ ରାତିରେ ତତ୍କାଳୀନ ପ୍ରତିରକ୍ଷା ମନ୍ତ୍ରୀ ମନୋହର ପାରିକର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ତତ୍କାଳୀନ ସେନା ମୁଖ୍ୟ ଦଲବୀର ସିଂ ସୁହାଗ, ଡିଜିଏମଓ ଲ୍ୟୁଟନାଟ ଜେନେରାଲ ରଣବୀର ସିଂ ଏବଂ ଉତ୍ତର କମାଣ୍ଡର ମୁଖ୍ୟ ଲ୍ୟୁଟନାଟ ଜେନେରାଲ ଦିପେନ୍ଦର ସିଂ ହୁଡା ଏବଂ ଏନଏସଏ ଅଜିତ ଡୋଭାଲଙ୍କ ଦ୍ୱାରା ଏହି ସର୍ଜିକାଲ ଷ୍ଟ୍ରାଇକର ଯୋଜନା କରାଯାଇଥିଲା।
