ଖପ୍ରାଖୋଲ, ୫ା୮ (ଡି.ଏନ.ଏ.) – ଚଳିତବର୍ଷ କରୋନା କଟକଣା ଦେଶାନ୍ତରୀ ଶ୍ରମିକଙ୍କ ଦୁଃଖକୁ ଦ୍ୱିଗୁଣିତ କରିଥିଲା ।ବାହାର ରାଜ୍ୟରେ ଲକ୍ଷାଧିକ ଶ୍ରମିକ ଫସି ରହି ନିଜ ଭିଟାମାଟିକୁ ଫେରିବା ପାଇଁ ଅଣନିଃଶ୍ୱାସୀ ହୋଇଯାଇଥିଲେ। ଉଭୟ କେନ୍ଦ୍ର ଏବଂ ରାଜ୍ୟ ସରକାର ପ୍ରବାସୀ ଶ୍ରମିକଙ୍କୁ ନିଜ ଘରକୁ ଫେରାଇ ଆଣିବା ପ୍ରୟାସ କରିଥିଲେ ବି ସହସ୍ରାଧିକ କଷ୍ଟ ଓ ନିର୍ଯାତନା ଭୋଗିଥିଲେ । ପ୍ରବାସୀ ଶ୍ରମିକଙ୍କ ଏହି ଦୁଃଖଭରା କାହାଣୀ ଭିତରେ ଚଖପ୍ରାଖୋଲ ବ୍ଲକ ମାଟିଆଭଟା ଗ୍ରାମର ମାନସୀ ବରିହା (୧୯) ନାମ୍ନୀ ଜଣେ ଯୁବତୀ ନିଜର ଉପସ୍ଥିତବୁଦ୍ଧି ଓ ସାହସ ବଳରେ ସହସ୍ରାଧିକ ପ୍ରବାସୀ ଶ୍ରମିକଙ୍କୁ ଉଦ୍ଧାର କରିବାର ମାର୍ଗ ଫିଟାଇ ନୂଆ ଉଦାହରଣ ସୃଷ୍ଟି କରିଛନ୍ତି ା
ଗତ ଜାନୁୟାରୀରେ ମାଟିଆଭଟା ଗଁାର ଟିକନୁ ବରିହା(୫୫) ତାଙ୍କ ଦୁଇଝିଅ ମାନସୀ (୧୯) ଓ ଦହନା (୧୦)ଙ୍କ ସହ ତାମିଲନାଡୁର ଚେନ୍ନାଇ ନିକଟ କୁଡୁକୁପନ୍ ଜିଡିଏମ୍ ଇଟା କାରଖାନାକୁ କାମ କରିବାକୁ ଯାଇଥିଲେ। ଜୁନ୍ରେ ଇଟାଭାଟିରେ କାମ କରୁଥିବା ଶ୍ରମିକମାନେ ଗଁାକୁ ଫେରିବାକୁ ଚାହୁଁଥିଲେ ମଧ୍ୟ ମାଲିକ ସେମାନଙ୍କୁ ଅଟକ ରଖି କାମ କରାଇବା ସହ ମାଡ ମାରିଥିଲେ ା ସେଠାରେ ଉପସ୍ଥିତ ଥିବା ମାନସୀ ବରିହା ସାହସ ଜୁଟାଇ ନିର୍ଯାତନା ସମ୍ପର୍କରେ ମାଟିଆଭଟାର ସମ୍ପର୍କୀୟ ତଥା ସାମାଜିକକର୍ମୀ ପାଣ୍ଡବ ବରିହାଙ୍କୁ ସୂଚନା ଦେଇଥିଲେ। ମୋବାଇଲ ଭିଡିଓ ପଠାଇଥିଲେ। ଘଟଣାକୁ ନେଇ ଖପ୍ରାଖୋଲ ଥାନା, ଜିଲା ପ୍ରଶାସନ ଓ ଶ୍ରମ ବିଭାଗକୁ ଅବଗତ କରାଯାଇଥିଲା ା ପ୍ରଶାସନ ତପତ୍ରତା ପ୍ରକାଶ କରି ତାମିଲନାଡୁ ଶ୍ରମ ବିଭାଗ ଓ ପ୍ରଶାସନ ସହିତ ମିଶି ଜୁନ ୧୭ରେ ସେଠାରେ ଅଟକ ନିର୍ଯାତିତ ୩୫୦ ଦାଦନ ଶ୍ରମିକଙ୍କୁ କୁଡୁକୁପନ୍ରୁ ଉଦ୍ଧାର କରି ବସ୍ ଓ ଟ୍ରେନ୍ ଯୋଗେ ବଲାଙ୍ଗୀର ପଠାଇଥିଲା ା ୨୧ ତାରିଖ ଦିନ ମାନସୀ ଓ ତାଙ୍କ ପରିବାର ନିଜ ପଞ୍ଚାୟତ କ୍ୱାରାଣ୍ଟାଇନ୍ ସେଣ୍ଟରରେ ପହଞ୍ଚତ୍ଥିଲେ ା ଏହି ଘଟଣାରେ ଗଁାର କେତେକ ଯୁବକ ମାନସୀଙ୍କ ସାହସିକତା ନେଇ ସାମାଜିକ ଗଣମାଧ୍ୟମରେ ପୋଷ୍ଟ କରିବା ପରେ ଶ୍ରମ ବିଭାଗ ତତ୍ପରତା ପ୍ରକାଶ କରିଥିଲା। ବିଭାଗୀୟ ଅଧିକାରୀ ଗଁାରେ ପହଞ୍ଚି ୩୫୦ନୁହନ୍ତି ବରଂ ପାଖାପାଖି ୬ ହଜାର ପ୍ରବାସୀ ଶ୍ରମିକଙ୍କୁ ମାନସୀ ଉଦ୍ଧାର କରିଥିବା ଜଣାଇଥିଲେ ା ଗ୍ରାମୀଣ ଶ୍ରମ ଅଧିକାରୀ ଦିବ୍ୟଶଙ୍କର ଧରୁଆ ମାନସୀଙ୍କ ସାହସିକତାକୁ ଉଚ୍ଚ ପ୍ରଶଂସା କରିବା ସହ ଜିଲା ଶ୍ରମ ଅଧିକାରୀଙ୍କ ନିର୍ଦ୍ଦେଶରେ ଏନେଇ ତଥ୍ୟ ସଂଗ୍ରହ କରାଯାଇଥିବା ସୂଚନା ଦେଇଛନ୍ତି ା