ପ୍ରେମ ଧର୍ମ, ଜାତି, ବୟସ ଦେଖେନା। କାରଣ ପ୍ରେମ କେବେ, କେଉଁଠି, କାହାସହ ହୋଇଯାଏ ଜଣାପଡେନା। କିଛି ପ୍ରେମକାହାଣୀ ଏପରି ଅଛି ଯାହା ସବୁଦିନ ପାଇଁ ଅମର ହୋଇଯାଇଛି। ସେହିଭଳି କିଛି ବିଷୟରେ ଜାଣି ଅନେକ ଆଶ୍ଚର୍ଯ୍ୟ ହୋଇଯାଆନ୍ତି। ଆଜି ଆମେ ଆପଣଙ୍କୁ ଏପରି ଏକ ପ୍ରେମ କାହାଣୀ ବିଷୟରେ କହିବାକୁ ଯାଉଛୁ, ଯାହା ବିଷୟରେ ଜାଣି ଆପଣ ଆଶ୍ଚର୍ଯ୍ୟ ହୋଇଯିବେ। କାରଣ ଏହା ଜଣେ ୬୧ ବର୍ଷୀୟା ବୃଦ୍ଧା ଏବଂ ୩୩ ବର୍ଷ ବୟସ୍କା ବ୍ୟକ୍ତିଙ୍କର। ଉଭୟ ଉଭୟଙ୍କୁ ଭଲପାଇ ବସିଥିଲେ। କେବଳ ଏତିକି ନୁହେଁ ଦୁହେଁ ବିବାହ ମଧ୍ୟ କରିସାରିଛନ୍ତି। ବର୍ତ୍ତମାନ ସୋସିଆଲ ମିଡିଆରେ ଉଭୟଙ୍କ ଫଟୋ ଭାଇରାଲ ହେଉଥିବା ବେଳେ ଲୋକେ ଉଭୟଙ୍କୁ ଟ୍ରୋଲ କରଥିବା ଦେଖାଯାଉଛି।
୬୧ ବର୍ଷୀୟ ଶୋରିଲ ମ୍ୟାକଗ୍ରେଗୋର ଜେଜେମା’ ହୋଇସାରିଛନ୍ତି। ତାଙ୍କର ୧୭ ବର୍ଷର ନାତି ଅଛି। କିନ୍ତୁ ସେ ୨୦୧୨ ରେ ୨୩ ବର୍ଷୀୟ ଯୁବକ କୋରାନଙ୍କ ପ୍ରେମରେ ପଡିଥିଲେ। ଉଭୟଙ୍କ ମଧ୍ୟରେ ପ୍ରଥମେ କଥାବାର୍ତ୍ତା ଆରମ୍ଭ ହୋଇଥିଲା। ଧୀରେ ଧୀରେ ଘନିଷ୍ଠତା ବଢ଼ିବାକୁ ଲାଗିଲା। ଏଭଳି ସମୟ ଆସିଲା ଯେତେବେଳେ ଦୁହେଁ ବିବାହ କରିବାକୁ ସ୍ଥିର କରିଥିଲେ। ତାହା ହିଁ ହୋଇଥିଲା। ଏବେ କୋରାନଙ୍କୁ ୩୩ ବର୍ଷ ହେଲାଣି। ଯେତେବେଳେ ଶେରିଲ ପ୍ରଥମେ ସ୍ବାମୀଙ୍କୁ ଭେଟିଥିଲେ, ସେତେବେଳେ ତାଙ୍କୁ ୧୫ ବର୍ଷ ହୋଇଥିଲା। ସେ ଏକ ରେଷ୍ଟୁରାଣ୍ଟରେ କାମ କରୁଥିଲେ। ଏବେ ଉଭୟ ବିବାହ କରି ବହୁତ ଖୁସି ଅଛନ୍ତି।
ତେବେ ସୋସିଆଲ ମିଡିଆରେ ଉଭୟଙ୍କ ବୟସ ବିଷୟରେ ଜଣାପଡ଼ିବା ପରେ ଅନେକ ତାଙ୍କୁ ଟ୍ରୋଲ କରୁଛନ୍ତି। ହେଲେ କୋରାନ କୁହନ୍ତି, ଲୋକମାନେ ଆମ ବିଷୟରେ କ’ଣ କୁହନ୍ତି ସେଥିପ୍ରତି ମୋର ଧ୍ୟାନ ନାହିଁ। ଆମେ ଦୁହେଁ ବହୁତ ଖୁସି । ଏକାଠି ଖୁସିରେ ଅଛୁ। ଏଣୁ ଅନ୍ୟ କାହାକୁ ଅସୁବିଧା ହେବା ଉଚିତ ନୁହେଁ।