ଭୁବନେଶ୍ୱର,୧୫।୭(ବ୍ୟୁରୋ): ରାଜ୍ୟରେ ବୁଧବାର ରେକର୍ଡ ସଂଖ୍ୟକ ୬୧୨ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏହାକୁ ମିଶାଇ ମୋଟ ଆରୋଗ୍ୟ ସଂଖ୍ୟା ୧୦,୦୦୦ ଡେଇଁଛି। ଏବେ ମୋଟ ୧୦,୪୭୬ଜଣ ସଂକ୍ରମିତ ସୁସ୍ଥ ହୋଇ ଘରକୁ ଫେରିଲେଣି। ଏନେଇ ଅପରାହ୍ନରେ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟୁଇଟ୍ କରି ସୂଚନା ଦିଆଯାଇଛି।
ନୂତନ ଆରୋଗ୍ୟ ଲାଭ କରିଥିବା ବ୍ୟକ୍ତିଙ୍କ ମଧ୍ୟରୁ ସର୍ବାଧିକ ୨୭୦ଜଣ ଗଞ୍ଜାମର ଅଛନ୍ତି। ସେହିଭଳି ସୁନ୍ଦରଗଡ଼ର ୮୪, କେନ୍ଦୁଝରର ୪୮, ଗଜପତିର ୩୫, ବାଲେଶ୍ୱରର ୩୧, ଖୋର୍ଦ୍ଧାର ୨୮, ନୟାଗଡ଼ର ୨୫, ଯାଜପୁରର ୨୦, ମୟୂରଭଞ୍ଜର ୧୫, କଟକ-କୋରାପୁଟ-ଜଗତସିଂହପୁରର ୧୦, ବରଗଡ଼-ପୁରୀର ୬, ବଲାଙ୍ଗୀରର ୫, କେନ୍ଦ୍ରାପଡ଼ାର ୩, କଳାହାଣ୍ଡି-କନ୍ଧମାଳର ୨ ଲେଖାଏଁ ଏବଂ ରାୟଗଡ଼ା ଏବଂ ସମ୍ବଲପୁରର ଜଣେ ଅଛନ୍ତି। ଏନେଇ ବିଭାଗ ପକ୍ଷରୁ ସୂଚନା ଦିଆଯାଇଛି।