ଦେଶରେ କରୋନା ଭୂତାଣୁର ଦ୍ୱିତୀୟ ଲହର ଆରମ୍ଭ ହୋଇଛି। ଏଥିପ୍ରତି ଅଧିକ ସତର୍କ ରହିବା ଜରୁରୀ। ଶୀତଦିନ ପ୍ରାରମ୍ଭରେ ଥଣ୍ଡାଜ୍ୱରର ସମସ୍ୟା ସାଧାରଣ ହୋଇଥିବା ହେତୁ କୋଭିଡରେ ସଂକ୍ରମଣ ହେବାର ଆଶଙ୍କା ରହୁଛି। ଅପରପକ୍ଷେ କରୋନାରେ ସଂକ୍ରମିତ ହୋଇ ସୁସ୍ଥ ହୋଇଥିବା ବ୍ୟକ୍ତିମାନେ ମଧ୍ୟ ସାବଧାନ ରହିବା ଉଚିତ। କାରଣ ସ୍ବାସ୍ଥ୍ୟ ବିଶେଷଜ୍ଞଙ୍କ ମତରେ କୋଭିଡ୍ ନେଗେଟିଭ୍ ଆସିବା ପରେ ମଧ୍ୟ ସମ୍ପୂର୍ଣ୍ଣ ସୁସ୍ଥ ହେବାକୁ ଜଣେ ବ୍ୟକ୍ତିଙ୍କୁ ଅଧିକ ସମୟ ଲାଗିପାରେ। ବିଶେଷକରି ଲକ୍ଷଣ ପ୍ରକାଶ ପାଇଥିବା ରୋଗୀମାନେ ସୁସ୍ଥ ହେବାର ୭ ଦିନ ପର୍ଯ୍ୟନ୍ତ ଆରାମ କରିବା ଉଚିତ।
ବ୍ୟାୟାମ କମ୍ କରନ୍ତୁ(୫୦% କମ୍):
ଜର୍ମାନୀରେ ହୋଇଥିବା ଏକ ଅଧ୍ୟୟନ ଅନୁଯାୟୀ କୋଭିଡ୍ ସଂକ୍ରମିତଙ୍କ ଦେହରେ ମାୟୋକାର୍ଡିସ ରୋଗର ସମ୍ଭାବନା ବଢ଼ୁଛି। ଏହା ହାର୍ଟ ସହ ଏଥିରେ ସଂଲଗ୍ନ ଅଂଶକୁ ପ୍ରଭାବିତ କରିଥାଏ। ଏହାଦ୍ୱାରା ହୃଦ ସ୍ପନ୍ଦନ କ୍ଷମତା କମ୍ ହୋଇଥାଏ। ଏଣୁ ସମ୍ପୂର୍ଣ୍ଣ ସୁସ୍ଥ ହୋଇଥିବା ଲୋକ ଧିରେ ଧିରେ ଶରୀରର କ୍ଷମତାନୁଯାୟୀ ବ୍ୟାୟାମ କରିବା ଉଚିତ।
ଏହାଛଡ଼ା କଫ, ଜ୍ୱର, ନିଶ୍ୱାସ ନେବାରେ ଅସୁବିଧା ହେଉଥିବା, ଛାତିରେ ଯନ୍ତ୍ରଣା ଆଦି ଥିବା ବ୍ୟକ୍ତିମାନେ ବ୍ୟାୟାମ କରିବାରୁ ବଞ୍ଚିତ ହେବା ଉଚିତ। ଏପରିକି ସାମାନ୍ୟ ଲକ୍ଷଣ ଥିବା ରୋଗୀ ବ୍ୟାୟାମ କରିବା ଆଗରୁ ଡାକ୍ତରଙ୍କ ପରାମର୍ଶ ନେବା ଜରୁରୀ।
