ଶିମଲା,୨୭।୯: ପ୍ରବଳ ବର୍ଷା ଯୋଗୁ ହିମାଚଳପ୍ରଦେଶର ସିର୍ମାଉର ଜିଲାରେ ସୋମବାର ଭୂସ୍ଖଳନ ହୋଇଛି। ଫଳରେ ୭ ଜଣଙ୍କର ମୃତ୍ୟୁ ଘଟିଛି। ଗତ ୩ରୁ ୪ ଦିନ ହେବ ସିର୍ମାଉର ଅଞ୍ଚଳରେ ପ୍ରବଳରୁ ପ୍ରବଳ ବର୍ଷା ଲାଗିଛି। ଜିଲାରେ ଲଗାତାର ବର୍ଷା ଯୋଗୁ ବହୁ କ୍ଷୟକ୍ଷତି ହୋଇଛି। ରାଜ୍ୟରେ ପ୍ରାୟ ୧୨୦ରାସ୍ତା ଅବରୋଧ ହୋଇଥିବାବେଳେ ପ୍ରବଳ ବର୍ଷା ହେତୁ ୯୦ ଟ୍ରାନ୍ସଫର୍ମର କ୍ଷତିଗ୍ରସ୍ତ ହୋଇଛି। ଅନ୍ୟପକ୍ଷେ, ଲୋକଙ୍କୁ ଆବଶ୍ୟକ ନ ହେଲେ ବାହାରକୁ ନ ଯିବାକୁ ପରାମର୍ଶ ଦିଆଯାଇଛି। ସୂଚନାଯୋଗ୍ୟ,ପ୍ରବଳ ବର୍ଷା ହେତୁ ହିମାଚଳ ପ୍ରଦେଶ, ଉତ୍ତରପ୍ରଦେଶ ଏବଂ ଉତ୍ତର-ପୂର୍ବ ରାଜ୍ୟରେ ଭୂସ୍ଖଳନ ଓ ବନ୍ୟା ପରିସ୍ଥିତି ସୃଷ୍ଟି ହୋଇଛି।