ଶ୍ରୀନଗର,୨୧।୧: ଜମ୍ମୁ-କଶୀ୍ମରର ନରୱାଲ ଅଞ୍ଚଳରେ ଶନିବାର ଦୁଇଟି ବଡ଼ ଧରଣର ବିସ୍ଫୋରଣ ଘଟିଛି। ଏଥିରେ ୭ ଜଣ ଆହତ ହୋଇଥିବା ସୂଚନା ମିଳିଛି। ଆହତମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି। ପୋଲିସ ଅଧିକାରୀଙ୍କ କହିବା ମୁତାବକ, ବିସ୍ଫୋରଣ ଘଟଣାସ୍ଥଳକୁ ବର୍ତ୍ତମାନ କର୍ଡନ କରାଯାଇଛି ଏବଂ ଅନ୍ୟ ପୋଲିସ କର୍ମଚାରୀଙ୍କ ସହ ବରିଷ୍ଠ ପୋଲିସ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଚଳାଇଛନ୍ତି। ସୂଚନା ଅନୁଯାୟୀ, ଟ୍ରାନ୍ସପୋର୍ଟ ନଗର ୱାର୍ଡ ନମ୍ବର ୭ରେ ପୂର୍ବାହ୍ନ ୧୧ ସମୟରେ ପ୍ରଥମ ବିସ୍ଫୋରଣ ଘଟିଥିଲା। ଏହାର ମାତ୍ର ୧୫ ରୁ ୨୦ମିନିଟ୍ ପରେ ସେହି ଅଞ୍ଚଳରେ ଆଉ ଏକ ବିସ୍ଫୋରଣ ହୋଇଥିଲା।