ଆସିକା,୨୯ା୧୧ (ଡି.ଏନ୍.ଏ.)-ଗଞ୍ଜାମ ଜିଲା ପୋଲିସର ସ୍ବତନ୍ତ୍ର ଅପରାଧୀ ଧରପଗଡ ଅଭିଯାନକୁ ବଡଧରଣର ସଫଳତା ମିଳିଛି। ହତ୍ୟା, ହତ୍ୟା ଉଦ୍ୟମ, ଡକାୟତି, ଦାଦାବଟି ଆଦାୟ ଭଳି ଏକାଧିକ ସଙ୍ଗୀନ ଅପରାଧରେ ଜଡିତ ୮ ଦୁର୍ଦ୍ଦାନ୍ତ ଅପରାଧୀଙ୍କୁ ଗିରଫ କରାଯାଇଛି। ସେମାନଙ୍କ ନିକଟରୁ ୧୦ ବନ୍ଧୁକ, ୫୩ ରାଉଣ୍ଡ ଗୁଳି, ୧୨ ବୋମା, ଦୁଇଟି ଖଣ୍ଡା, ଦୁଇଟି ଛୁରି ସମେତ ବହୁ ମାରଣାସ୍ତ୍ର ଜବତ ହୋଇଛି। ଏଥିସହ ସେମାନଙ୍କ ନିକଟରୁ ପୋଲିସ କଳା ମୁଖା, ଲଙ୍କାଗୁଣ୍ଡ, ୮ଟି ମୋବାଇଲ ଫୋନ୍ ସମେତ ୬ଟି ବାଇକ୍ ମଧ୍ୟ ଜବତ କରିଛି। ଆସିକା ଥାନାରେ ରବିବାର ମଧ୍ୟାହ୍ନରେ ଅନୁଷ୍ଠିତ ଏକ ଖବରଦାତା ସମ୍ମିଳନୀରେ ଗଞ୍ଜାମ ଜିଲା ଅତିରିକ୍ତ ଏସ୍ପି ବିଜୟ କୁମାର ମଲିକ ଏହି ସୂଚନା ଦେଇଛନ୍ତି।