ସୁରେନ୍ଦ୍ରନଗର,୨୧।୧୧-ଗୁଜରାଟର ସୁରେନ୍ଦ୍ରନଗର ଜିଲା ପଟାଡି ତହସିଲର ଖେରୱା ଗ୍ରାମ ନିକଟରେ ଶନିବାର ଏକ ଟ୍ରକ ସହିତ ଏକ କାରର ମୁହାଁମୁହିଁ ଧକ୍କା ହୋଇଛି। ଏଥିରେ ୭ ଜଣଙ୍କ ମୃତ୍ୟୁ ଘଟିଥିବାବେଳେ ଜଣେ ମହିଳା ଗୁରୁତର ହୋଇଛନ୍ତି। ଗୁରୁତର ମହିଳାଙ୍କୁ ଉଦ୍ଧାର କରାଯାଇ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି। ଏହି ଦୁର୍ଘଟଣାରେ ଦୁଇ ପରିବାରର ୭ ଜଣ ସଦସ୍ୟ ପ୍ରାଣ ହରାଇଛନ୍ତି। ମୃତକମାନେ ହେଲେ ରମେଶ ନାଇ (୩୮), ତାଙ୍କ ପତ୍ନୀ କୈଳାଶବେନ (୩୫) ଏବଂ ସେମାନଙ୍କର ସନ୍ତାନ ସୁନ୍ନି (୧୨) ଏବଂ ଶୀତଲ (୮) ସମସ୍ତେ କୋରଡା ଗ୍ରାମର ଏବଂ ସେମାନଙ୍କ ସମ୍ପର୍କୀୟ ହରେଶ ନାଇ (୩୫), ତାଙ୍କ ସ୍ତ୍ରୀ ସେଜାଲବେନ (୩୫) ଏବଂ ପୁଅ ହର୍ଷିଲ (୬)। ଏମାନେ ସମସ୍ତେ ନାନାପୁରା ଗ୍ରାମର ବୋଲି ଜଣାପଡିଛି। ଦୁର୍ଘଟଣା ପରେ କାର ଡ୍ରାଇଭର ଫେରାର ହୋଇଯାଇଛନ୍ତି। ପୋଲିସ ଘଟଣାର ତଦନ୍ତ ଚଳାଇଛି।
