ସ୍ବପ୍ନ ସମସ୍ତେ ଦେଖନ୍ତି, ମଣିଷ ଠାରୁ ଜୀବଜନ୍ତୁ ଯାଏ। ହେଲେ ସ୍ବପ୍ନକୁ ନେଇ ଏମିତି କିଛି କଥା ଅଛି ; ଯାହା ଅନେକେ ହୁଏତ ଜାଣି ନଥିବେ…
୧- ଆମେ ସାଧାରଣତଃ ଚାରିରୁ ପାଞ୍ଚଟି ବଡ଼ ସ୍ବପ୍ନ ଦେଖୁ। ମାତ୍ର ଉଠିବା ପରେ ସ୍ବପ୍ନର ୯୫% ଘଟଣା ଭୁଲିଯାଉ।
୨- ଆମେ ସ୍ବପ୍ନରେ ନୂଆ କିଛି ଦେଖୁନା। ଆମ ମସ୍ତିଷ୍କରେ ଯେଉଁ ତଥ୍ୟ ସବୁ ଆଗରୁ ଥାଏ, ତାହାର ବିଭିନ୍ନ ଦିଗକୁ କେବଳ ଦେଖିଥାଉ।
୩- ଆମେ ସ୍ବପ୍ନରେ ଦେଖୁଥିବା କୌଣସି ବହିର ଅକ୍ଷର ପଢ଼ିପାରିବା ନାହିଁ।
୪- ଦୃଷ୍ଟିହୀନ ଲୋକ ମଧ୍ୟ ସ୍ବପ୍ନ ଦେଖନ୍ତି। ତାଙ୍କ ସ୍ବପ୍ନରେ କୌଣସି ଚିତ୍ର ନ ଥାଏ। ସେମାନେ କେବଳ ଶବ୍ଦର ସ୍ବପ୍ନ ଦେଖିଥାଆନ୍ତି।
୫- ବେଳେବେଳେ ସ୍ବପ୍ନ ଦେଖିବାବେଳେ ଆମେ ଜାଣିପାରୁ ଯେ ଆମେ ସ୍ବପ୍ନ ଦେଖୁଛୁ ବୋଲି। ଏହି ପ୍ରକ୍ରିୟାକୁ ଲୁସିଡ୍ ଡ୍ରିମ୍ କୁହାଯାଏ। ୩୦%ରୁ ୪୦% ଲୋକଙ୍କ କ୍ଷେତ୍ରରେ ଏପରି ଘଟିଥାଏ।
୬- ଆମେ ସ୍ବପ୍ନରେ ଭବିଷ୍ୟତ ଦେଖିପାରୁନା ଏବଂ ସ୍ବପ୍ନକୁ ନେଇ ମଧ୍ୟ କୌଣସି ସ୍ବପ୍ନଫଳ ମଧ୍ୟ ନ ଥାଏ। ଏହା କେବଳ ଆମ ମନର ଭ୍ରମ ମାତ୍ର।
୭- କେବଳ ମଣିଷ ନୁହେଁ, ପ୍ରାଣୀମାନେ ମଧ୍ୟ ସ୍ବପ୍ନ ଦେଖନ୍ତି। ସବୁଠୁ କମ୍ ସ୍ବପ୍ନ ଡଲଫିନ୍ ଏବଂ ସବୁଠୁ ଅଧିକ ସ୍ବପ୍ନ ଅରମେଡିଲୋ ଓ ଓପୋସମ୍ ଦେଖିଥାଆନ୍ତି।
