ଚେନ୍ନାଇ,୧୫।୪: ଆଇପିଏଲ ୨୦୨୧ର ଷଷ୍ଠ ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ସନରାଇଜର୍ସ ହାଇଦ୍ରାବାଦକୁ ୬ ରନରେ ପରାସ୍ତ କରିଛି। ଚେନ୍ନାଇରେ ସନରାଇଜର୍ସ ହାଇଦ୍ରାବାଦ ଏହା କ୍ରମାଗତ ପଞ୍ଚମ ପରାଜୟ ଚାରିଛି। ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ଆଇପିଏଲର ଦ୍ୱିତୀୟ ମ୍ୟାଚରେ ପ୍ରଥମେ ଖେଳି ୮ ଉଇକେଟ ହରାଇ ୧୪୯ ସ୍କୋର କରିଥିଲା। ଏହାର ଜବାବରେ ହାଇଦ୍ରାବାଦର ଦଳ କେବଳ ୯ ଉଇକେଟ ହରାଇ ୧୪୩ ରନ କରିବାରେ ସକ୍ଷମ ହୋଇଛି। ଏହା ହେଉଛି ହାଇଦ୍ରାବାଦର କ୍ରମାଗତ ଦ୍ୱିତୀୟ ପରାଜୟ। ଦଳ ପ୍ରଥମ ମ୍ୟାଚରେ କେକେଆରଠାରୁ ହାରିଥିଲା। ସେହିପରି ଆରସିବିର ଏହା ହେଉଛି କ୍ରମାଗତ ଦ୍ୱିତୀୟ ବିଜୟ। ଲିଗ୍ ଉଦଘାଟନୀ ମ୍ୟାଚରେ ଦଳ ମୁମ୍ବାଇ ଇଣ୍ଡିଆନ୍ସକୁ ୨ ଉଇକେଟରେ ପରାସ୍ତ କରିଥିଲା। ୭ ବର୍ଷ ପରେ ଦଳ କ୍ରମାଗତ ଦୁଇଟି ଓପନିଂ ମ୍ୟାଚ ଜିତିଛି। ସୂଚନାଯୋଗ୍ୟ, ଏପର୍ଯ୍ୟନ୍ତ ଆଇପିଏଲ୍ ଟୁର୍ନାମେଣ୍ଟ ଆଦୌ ଜିତିନାହିଁି ଆରସିବି। ଗତଥର ଦଳ ଭଲ ପ୍ରଦର୍ଶନ କରି ପ୍ଲେଅଫ୍ରେ ପହଞ୍ଚିବାରେ ସକ୍ଷମ ହୋଇଥିଲା। ବିରାଟ କୋହଲିଙ୍କ ନେତୃତ୍ୱାଧୀନ ଏହି ଦଳ ଚଳିତବର୍ଷ ଆଇପିଏଲ୍ ଜିତିବାକୁ ଚେଷ୍ଟା କରିବ ବୋଲି ପ୍ରଶଂସକ ଆଶା ରଖିଛନ୍ତି।