ଚଢ଼େଇଙ୍କ କିଚିରିମିଚିରି ଶବ୍ଦ ନିଶ୍ଚିତ ଶୁଣିଥିବେ। ଚଢ଼େଇମାନଙ୍କ ଏହି ଶବ୍ଦ ବେଶ୍ ମନମୁଗ୍ଧକର। ମାତ୍ର ଚଢ଼େଇ କେବେ ଗୀଟାର ବଜାଇବା ଶୁଣିଛନ୍ତି କି? ଯଦି ନା ତେବେ ସୋସିଆଲ ମିଡିଆରେ ଏବେ ଏମିତି ଏକ ଭିଡିଓ ଭାଇରାଲ ହୋଇଛି, ଯେଉଁଥିରେ ଗୋଟିଏ କି ଦୁଇଟି ନୁହଁ, ଏକାସାଙ୍ଗରେ ୭୦ ଚଢ଼େଇ ଗୀଟାର ବଜାଇ ଗୀତ ଗାଉଛନ୍ତି।
ଏହି ଭିଡିଓକୁ ଟୁଇଟର ୟୁଜର @thegallowboob ଶେୟାର କରିଛନ୍ତି। ଏଥିରେ କ୍ୟାପଶନ ଲେଖିଛନ୍ତି, ‘୭୦ ଚଢ଼େଇ ଖୁବ୍ ସୁନ୍ଦର ଭାବରେ ରାଣ୍ଡମ୍ ସିଙ୍କ୍ରୋନାଇଜେଶନରେ ଗୀଟାର ବଜାଉଛନ୍ତି। ଯାହା ମୋର ଖୁବ୍ ପସନ୍ଦ।
ଭିଡିଓରେ ଦେଖିବାକୁ ମିଳିଛି ଏକ ବଡ଼ ହଲ୍ରେ ଗୀଟାରଟିଏ ରଖାଯାଇଛି। ପାଚେରିରେ ଚଢ଼େଇଙ୍କ ପାଇଁ ଗୋଟିଏ ଗୋଟିଏ କଣା କରାଯାଇଛି। ଯେଉଁଥିରେ ଚଢ଼େଇମାନେ ଆସି ଗୀଟାର ଉପରେ ବସିଯାଉଛନ୍ତି। ଏହା ପରେ ମୁଭ୍ମେଣ୍ଟରେ ସାଉଣ୍ଡ୍ କରୁଛନ୍ତି। ଏହି ଦୃଶ୍ୟ ଦେଖିଲେ ଯାଇ ବିଶ୍ୱାସ କରିହେବ।
୧୬ ଅକ୍ଟୋବରରେ ଶେୟାର ହୋଇଥିବା ଏହି ଭିଡିଓଟିକୁ ବର୍ତ୍ତମାନ ସୁଦ୍ଧା ୧୩ ଲକ୍ଷରୁ ଅଧିକ ଲୋକ ଦେଖିସାରିଲେଣି। ୮୩ ହଜାରରୁ ଊର୍ଦ୍ଧ୍ୱ ଲାଇକ୍ ମିଳିଛି। ୨୦.୮ ଲକ୍ଷରୁ ଅଧିକ ଲୋକ ରିଟୁଇଟ୍ କରିଛନ୍ତି।