ଶିମଲା,୨୦।୧୦ : ହିମାଚଳ ଇଲେକଶନ ୱାଚ, ଆସୋସିଏଶନ ଫର୍ ଡେମୋକ୍ରାଟିକ ରିଫର୍ମସ (ଏଡିଆର) ଏବଂ ହିମାଚଳ ଜ୍ଞାନ ବିଜ୍ଞାନ ସମିତି ଦ୍ୱାରା ନିର୍ବାଚନ ସାକ୍ଷରତା ଅଭିଯାନ ଅନ୍ତର୍ଗତ ୧୫୦୦ ଗ୍ରାମ ପଞ୍ଚାୟତ ଏବଂ ସହରାଞ୍ଚଳରେ ୫୦ ହଜାରରୁ ଅଧିକ ପରିବାରଙ୍କ ନିକଟରେ ପହଞ୍ଚିବ। ହିମାଚଳ ଇଲେକଶନ ୱାଚ ଏବଂ ଏଡିଆର ପକ୍ଷରୁ ୬୮ ଜଣ ବିଧାୟକଙ୍କ ଅପରାଧୀକ ମାମଲା, ଶିକ୍ଷା, ଲିଙ୍ଗ ଗତ ସୂଚନା ଏବଂ ଆର୍ଥିକ ପୃଷ୍ଠଭୂମି ରିପୋର୍ଟ ପ୍ରକାଶ ପାଇଛି। ୧୪ ତମ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଏହି ନିର୍ବାଚନ ସାକ୍ଷରତା ଅଭିଯାନ ଚାଲିଛି।
ଏହା ମାଧ୍ୟମରେ ଲୋକଙ୍କୁ ଭୋଟ ଦେବାର ମହତ୍ତ୍ୱ ବିଷୟରେ ଅବଗତ କରାଯିବା ସହିତ ସେମାନଙ୍କୁ ଭୋଟ ଦେବାକୁ ଉତ୍ସାହିତ କରିବା ଏହାର ମୁଖ୍ୟ ଉଦ୍ଦେଶ୍ୟ।
ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ, କେନ୍ଦ୍ରୀୟ ତଥା ରାଜ୍ୟ ନିର୍ବାଚନ ସ୍ତରରେ ରାଜନୈତିକ ଦଳଗୁଡିକ ସେମାନଙ୍କ ୱେବସାଇଟରେ ବିଚାରାଧୀନ ଅପରାଧିକ ମାମଲା ଥିବା ପ୍ରାର୍ଥୀଙ୍କ ବିଷୟରେ ବିସ୍ତୃତ ତଥ୍ୟ ଅପଲୋଡ କରିବା ବାଧ୍ୟତାମୂଳକ, ଅପରାଧର ପ୍ରକୃତି, ଫ୍ରେମ ହୋଇଥିବା ଚାର୍ଜ ଭଳି ଆନୁସଙ୍ଗିକ ବିବରଣୀ , କୋର୍ଟ, କେସ ନମ୍ବର ଇତ୍ୟାଦି ସମ୍ବନ୍ଧୀୟ ସୂଚନା ରହିବ। ସୁପ୍ରିମକୋର୍ଟ ରାଜନୈତିକ ଦଳମାନଙ୍କୁ ସେମାନଙ୍କର ୱେବସାଇଟରେ ଏସବୁ ତାଲିକାଭୁକ୍ତ କରିବାକୁ ନିର୍ଦ୍ଦେଶ ଦେଇଛନ୍ତି। ସେମାନଙ୍କ ସୋସିଆଲ ମିଡିଆ ପ୍ଲାଟଫର୍ମରେ, ପ୍ରାର୍ଥୀ ଚୟନ ହେବାର ୭୨ ଘଣ୍ଟା ମଧ୍ୟରେ ପ୍ରାର୍ଥୀଙ୍କୁ ମନୋନୀତ କରିବାର କାରଣ ପ୍ରଦାନ କରାଯିବ। ଏହି ସୂଚନା ଏକ ସ୍ଥାନୀୟ ଖବରକାଗଜ ଏବଂ ଏକ ଜାତୀୟ ଖବରକାଗଜ, ଫେସବୁକ, ଟୁଇଟର ସମେତ ରାଜନୈତିକ ଦଳର ଅଫିସିଆଲ ସୋସିଆଲ ମିଡିଆ ପ୍ଲାଟଫର୍ମରେ ମଧ୍ୟ ପ୍ରକାଶ ପାଇବ।
ହିମାଚଳ ପ୍ରଦେଶ ଇଲେକଶନ ୱାଚ ଏବଂ ଏଡିଆର ୨୦୧୭ ବିଧାନସଭା ନିର୍ବାଚନରେ ନିର୍ବାଚିତ ହୋଇଥିବା ୬୮ ଜଣ ବିଧାୟକଙ୍କ ଆତ୍ମ-ଘୋଷିତ ଆଫିଡେଭିଟ ବିଶ୍ଳେଷଣ କରିଛନ୍ତି। ଏହା ରାଜ୍ୟରେ ୫୦ ବିଧାୟକ ହେଉଛନ୍ତି କୋଟିପତି। ଏହା ମୋଟ ବିଧାୟକଙ୍କର ୭୪ ପ୍ରତିଶତ। ଏସବୁ ବିଧାୟକଙ୍କ ହାରାହାରି ସମ୍ପତ୍ତି ପରିମାଣ ୮.୪୫ କୋଟି। ସେହିପରି ୧୯ ଜଣ ବିଧାକୟଙ୍କ ବିରୋଧରେ ଅପରାଧୀକ ମାମଲା ରହିଛି। ଏହା ମୋଟ ବିଧାୟକଙ୍କ ସଂଖ୍ୟାର ୨୮ ପ୍ରତିଶତ। ରାଜ୍ୟର ୮ ଜଣ ବିଧାୟକଙ୍କ ବିରୋଧରେ ଗୁରୁତର ଅପରାଧୀକ ମାମଲା ଅଛି। ଏଭଳି ବିଧାୟକଙ୍କ ସଂଖ୍ୟା ୧୨ ପ୍ରତିଶତ ରହିଛି।