ଭଣ୍ଡାରିପୋଖରୀ,୧୫ା୮(ଡି.ଏନ୍.ଏ.): ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକର ବିଭିନ୍ନ ସରକାରୀ ଓ ବେସରକାରୀ ଅନୁଷ୍ଠାନରେ ୭୪ ତମ ସ୍ବାଧୀନତା ଦିବସ କରୋନା ଯୋଗୁ ନିରାଡମ୍ବର ଭାବରେ ପାଳିତ ହୋଇଛି। ବ୍ଲକ ପରିସରରେ ଅଧ୍ୟକ୍ଷା ମଞ୍ଜୁଶ୍ରୀ ବେହେରା, ବିଡିଓ ବିଜୟ କୁମାର ସାହୁ ଯୋଗ ଦେଇ ଜାତୀୟ ପତାକା ଉତ୍ତୋଳନ କରିଥିଲେ। ସେହିପରି ତହସିଲରେ ତହସିଲଦାର ମୃତ୍ୟୁଞ୍ଜୟ ଭୂୟାଁ, ବିଇଓ କାର୍ଯ୍ୟାଳୟରେ ବିଇଓ ଦୀପକ କୁମାର ପାଢ଼ୀ, ଥାନାରେ ଥାନାଧିକାରୀ ସନାତନ ସାହୁ, ଶାରଦା ବିଦ୍ୟାମନ୍ଦିରରେ ଶରତ ଚନ୍ଦ୍ର ମହାପାତ୍ର, ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରଠାରେ ଡା. କମଳାକାନ୍ତ ସ୍ବାଇଁ, ବ୍ଲକ ଛକ ବିଜୁ ପଟ୍ଟନାୟକ ପ୍ରତିମୂର୍ତ୍ତି ଓ ବିଜେଡି ପାର୍ଟି କାର୍ଯ୍ୟାଳୟଠାରେ ବରିଷ୍ଠ ନେତା ହାଡ଼ିବନ୍ଧୁ ସେନାପତି, ବାଲିପୋଖରୀ ପଞ୍ଚାୟତ କାର୍ଯ୍ୟାଳୟରେ ସରପଞ୍ଚ ରଞ୍ଜୁଲତା ସେଠୀ, ମାଲଦାରେ ରୀତାଞ୍ଜଳି ସାମଲ, ରହଣିଆରେ ଅଲିଭା ନାୟକ, ଦକ୍ଷିଣବାଡ଼ରେ ବିଜୟ ଶଙ୍କର ମହାନ୍ତି, ବୟାବନାପୁରରେ ପ୍ରଶାନ୍ତ କୁମାର ସାହୁ, ନିର୍ଗୁଣ୍ଡିରେ ନମିତା ପାତ୍ର, ଜଳମଣ୍ଡୁଆରେ ଜଗବନ୍ଧୁ ଦାସ,ସରସଦାରେ ମଣି କାଞ୍ଚନ ସେନାପତି, ରଣଜିତରେ ସରପଞ୍ଚ ମନୋଜ ନାୟକ, କଂଗ୍ରେସ କାର୍ଯ୍ୟାଳୟ ରାଜୀବ ଭବନଠାରେ ବ୍ଲକ କଂଗ୍ରେସ ସଭାପତି ରଜନୀକାନ୍ତ ଚନ୍ଦଙ୍କ ସଭାପତିତ୍ୱରେ କଂଗ୍ରେସ ଭଣ୍ଡାରିପୋଖରୀ ନିିର୍ବାଚନମଣ୍ଡଳୀ ନେତା ସୁବ୍ରତ ଦାସ ପତାକା ଉତ୍ତୋଳନ କରିଥିଲେ। ଅନ୍ୟମାନଙ୍କ ମଧ୍ୟରେ ସାମାଜିକକର୍ମୀ ଗୋଲକ ବେହେରା, ନଟବର ରାଉଳ, ଶ୍ୟାମସୁନ୍ଦର ମହାପାତ୍ର, ରବୀନ୍ଦ୍ର ରାୟ, ନିଗମାନନ୍ଦ ଜେନା, ମନୋଜ ମହାନ୍ତି, ଅକ୍ଷୟ ସ୍ବାଇଁ, ଧନେଶ୍ୱର ନାୟକ, କ୍ଷୀରୋଦ ବେହେରା ପ୍ରମୁଖ ଉପସ୍ଥିତ ରହି ପତାକା ଉତ୍ତୋଲନ କାର୍ଯ୍ୟକ୍ରମରେ ସାମିଲ ହୋଇଥିଲେ।
