ଭୁବନେଶ୍ୱର,୨୩।୧୧(ବ୍ୟୁରୋ): ରାଜ୍ୟରେ ଆଉ ୭,୫୪୦ ଶିକ୍ଷକ ନିଯୁକ୍ତ ହେବେ । ନିଯୁକ୍ତି ପାଇଁ ପ୍ରକ୍ରିୟା ଆରମ୍ଭ ହୋଇଛି । ଓଏସ୍ଏସ୍ସି ଓ୍ବେବସାଇଟ୍ରେ ଏହି ନିଯୁକ୍ତି ସଂକ୍ରାନ୍ତୀୟ ବିଜ୍ଞାପନ ପ୍ରକାଶ ପାଇଛି । ତେବେ ଆଶାୟୀମାନେ ଅନ୍ଲାଇନ୍ ଜରିଆରେ ଡିସେମ୍ବର ୧୧ରୁ ଜାନୁଆରୀ ୯ପର୍ଯ୍ୟନ୍ତ ଆବେଦନ କରିପାରିବେ। ଟିଜିଟି ଆଟର୍ସରେ ୧୯୭୦, ଟିଜିଟି ସାଇନ୍ସ ୧,୪୧୯ (ପିସିଏମ୍) ପୋଷ୍ଟ ବାହାରିଥିବାବେଳେ ଟିଜିଟି ସାଇନ୍ସରେ ୧,୨୦୫, ହିନ୍ଦୀ ଶିକ୍ଷକ ୧,୩୫୨ ପଦବୀରେ ନିଯୁକ୍ତି ହେବ । ସେହିପରି ୭୨୩ ସଂସ୍କୃତ ଶିକ୍ଷକ, ୮୪୧ ପିଇଟି, ୨୪ ଉର୍ଦ୍ଦୁ ଓ ୬ ତେଲୁଗୁ ଶିକ୍ଷକ ନିଯୁକ୍ତି ପାଇବେ। ଫେବୃୟାରୀ ୨୩ରେ ପ୍ରିଲିମ୍ନାରୀ ପରୀକ୍ଷା ହୋଇପାରେ। ଇଂରାଜୀ ଓ ଓଡ଼ିଆରେ ପ୍ରିଲିମ୍ ଓ ମେନ୍ ପରୀକ୍ଷା ହେବ ବୋଲି ଜଣାପଡ଼ିଛି।
