ମୁମ୍ବାଇ,୨୫।୪: ଭେଟେରାନ୍ ସ୍କ୍ରିନ୍ରାଇଟର ସଲିମ ଖାଁଙ୍କୁ ୭୭ତମ ମାଷ୍ଟର ଦିନାନାଥ ମଙ୍ଗେସକର ଆଓ୍ବାର୍ଡ ୨୦୧୯ ପ୍ରଦାନ କରାଯାଇଛି। ବୁଧବାର ମୁମ୍ବାଇଠାରେ ଆୟୋଜିତ ଏକ କାର୍ଯ୍ୟକ୍ରମରେ ରାଷ୍ଟ୍ରୀୟ ସ୍ବୟଂସେବକ ସଂଘ(ଆର୍ଏସ୍ଏସ୍) ମୁଖ୍ୟ ମୋହନ ଭାଗବତଙ୍କ ଦ୍ୱାରା ଏହି ପୁରସ୍କାର ପ୍ରଦାନ କରାଯାଇଛି। ଏହାସହ ହେଲେନ୍ ଓ ମଧୁର ଭଣ୍ଡାରକରଙ୍କୁ ମଧ୍ୟ ଏହି ସମ୍ମାନରେ ସମ୍ମାନୀତ କରାଯାଇଛି। ସଙ୍ଗୀତ, ନାଟକ, କଳା ଓ ସାମାଜିକ କ୍ଷେତ୍ରରେ ଅତୁଳନୀୟ ଅବଦାନ ପାଇଁ ସାଧାରଣତଃ ଏହି ପୁରସ୍କାର ଦିଆଯାଇଥାଏ। ଫିଲ୍ମ ଟ୍ରେଡ୍ ଆନାଲିଶିଷ୍ଟ ତରନ ଆଦର୍ଶ ଟୁଇଟ୍ କରି ଏହା ଜଣାଇବା ସହ କିଛି ଫଟୋ ମଧ୍ୟ ଶେୟାର କରିଛନ୍ତି।
