Posted inଜାତୀୟ

ଦିନକରେ ୭୮ ଏମ୍‌ପି ନିଲମ୍ବିତ

ନୂଆଦିଲ୍ଲୀ,୧୯ା୧୨: ବିଶୃଙ୍ଖଳିତ ଆଚରଣ ପାଇଁ ପାର୍ଲାମେଣ୍ଟର ଉଭୟ ଗୃହରୁ ସୋମବାର ୭୮ ବିରୋଧୀ ସଦସ୍ୟଙ୍କୁ ନିଲମ୍ବନ କରାଯାଇଛି। ଗତ ସପ୍ତାହରେ ପାର୍ଲାମେଣ୍ଟ ସୁରକ୍ଷାରେ ବିଭ୍ରାଟକୁ ନେଇ ବିରୋଧୀ ଏମ୍‌ପିମାନେ ଗୃହରେ ସ୍ବରାଷ୍ଟ୍ର ମନ୍ତ୍ରୀ ଅମିତ୍‌ ଶାହାଙ୍କ ବିବୃତି ଦାବି କରି ବିକ୍ଷୋଭ ପ୍ରଦର୍ଶନ କରିବାରୁ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଗତ ଗୁରୁବାର ଅନୁରୂପ କାରଣରୁ ୧୪ ଏମପିଙ୍କୁ ମଧ୍ୟ ନିଲମ୍ବନ କରାଯାଇଥିଲା। ଫଳରେ ଚଳିତ ଅଧିବେଶନରେ ମୋଟ ନିଲମ୍ବିତ ସଦସ୍ୟଙ୍କ ସଂଖ୍ୟା ୯୨ରେ ପହଞ୍ଚିଛି।

ପାର୍ଲାମେଣ୍ଟ ସୁରକ୍ଷା ତ୍ରୁଟିକୁ ନେଇ ସୋମବାର ଗୃହରେ ପ୍ଲାକାର୍ଡ ଦେଖାଇ ସ୍ଲୋଗାନ ଦେଉଥିବା ଅଧୀର ରଞ୍ଜନ ଚୌଧୁରୀ, ଟି.ଆର୍‌. ବାଲୁ ଏବଂ ସୌଗତ ରାୟଙ୍କ ସମେତ ୩୩ ଜଣଙ୍କୁ ଲୋକ ସଭାରୁ ନିଲମ୍ବନ କରାଯାଇଛି। ବିରୋଧୀ ସଦସ୍ୟମାନେ ଗୃହ କାର୍ଯ୍ୟ ଚଳାଇ ନ ଦେଇ ଶାହାଙ୍କ ବିବୃତି ଦାବି କରିଥିଲେ। ଡିଏମ୍‌କେର ୧୦, ତୃଣମୂଳ କଂଗ୍ରେସର ୯, କଂଗ୍ରେସର ୮ ଏବଂ ଆଇୟୁଏମ୍‌ଏଲ୍‌, ଜେଡିୟୁ ତଥା ଆର୍‌ଏସ୍‌ପିରୁ ଜଣେ ଲେଖାଏ ଏମ୍‌ପି ଶୀତ ଅଧିବେଶନର ଅବଶିଷ୍ଟ କାର୍ଯ୍ୟଦିବସ ପାଇଁ ନିଲମ୍ବିତ ହୋଇଥିବାବେଳେ କଂଗ୍ରେସର ଅନ୍ୟ ୩ ଏମ୍‌ପିଙ୍କୁ ସ୍ବାଧିକାର କମିଟି ରିପୋର୍ଟ ଆସିବା ପର୍ଯ୍ୟନ୍ତ ନିଲମ୍ବନ କରାଯାଇଛି। ୩୩ ଜଣଙ୍କୁ ନିଲମ୍ବନ କରାଯିବା ପରେ ଲୋକ ସଭାକୁ ଦିନକ ପାଇଁ ମୁଲତବୀ ଘୋଷଣା କରାଯାଇଛି। ଅପରାହ୍ନ ୩ଟାରେ ଗୃହ କାର୍ଯ୍ୟ ଆରମ୍ଭ ହେବା କ୍ଷଣି ଗୃହରେ ଅଧ୍ୟକ୍ଷତା କରୁଥିବା ଭାଜପା ଏମ୍‌ପି ରାଜେନ୍ଦ୍ର ଅଗ୍ରଓ୍ବାଲ ବିଶୃଙ୍ଖଳା ସୃଷ୍ଟି କରୁଥିବା ୩୩ ବିରୋଧୀ ସଦସ୍ୟଙ୍କ ନାଁ ପଢ଼ିଥିଲେ। ସେମାନଙ୍କ ମଧ୍ୟରୁ ୩୦ ଜଣଙ୍କୁ ଶୀତ ଅଧିବେଶନର ଅବଶିଷ୍ଟ ଦିନ ପାଇଁ ନିଲମ୍ବନ କରାଯିବାକୁ ସଂସଦୀୟ ବ୍ୟାପାର ମନ୍ତ୍ରୀ ପ୍ରହଲ୍ଲାଦ ଜୋଷୀ ପ୍ରସ୍ତାବ ଆଣିଥିଲେ। ସେହିପରି କଂଗ୍ରେସର କେ. ଜୟକୁମାର, ବିଜୟ ବସନ୍ଥ ଏବଂ ଅବଦୁଲ ଖାଲେକଙ୍କ ଆଚରଣ ଯାଞ୍ଚ ପାଇଁ ଲୋକ ସଭା ସ୍ବାଧିକାର କମିଟିକୁ ପଠାଯାଇଥିବାରୁ ରିପୋର୍ଟ ଆସିବା ପର୍ଯ୍ୟନ୍ତ ସେମାନଙ୍କୁ ନିଲମ୍ବନ କରିବା ପାଇଁ ମନ୍ତ୍ରୀ ଅନ୍ୟ ଏକ ପ୍ରସ୍ତାବ ଆଣିଥିଲେ।

ରାଜ୍ୟ ସଭାରେ ମଧ୍ୟ ଅନୁରୂପ କାରଣରୁ ସୋମବାର ୪୫ ବିରୋଧୀ ଏମ୍‌ପିଙ୍କୁ ନିଲମ୍ବନ କରାଯାଇଛି। ସେମାନଙ୍କ ମଧ୍ୟରେ କଂଗ୍ରେସ ଏମ୍‌ପି ପ୍ରମୋଦ ତିଓ୍ବାରୀ, ଜୟରାମ ରମେଶ, କେ.ସି. ବେଣୁଗୋପାଳ, ରଣଦୀପ ସିଂ ସୁର୍ଜଓ୍ବୋଲା, ସମାଜବାଦୀ ପାର୍ଟି ଏମ୍‌ପି ରାମଗୋପାଳ ଯାଦବ ପ୍ରମୁଖ ରହିଛନ୍ତି। ୩୪ ଜଣଙ୍କୁ ଶୀତ ଅଧିବେଶନର ଅବଶିଷ୍ଟ କାର୍ଯ୍ୟଦିବସ ପାଇଁ ନିଲମ୍ବନ କରାଯାଇଥିବାବେଳେ ୧୧ଜଣଙ୍କୁ ସେମାନଙ୍କ ଆଚରଣ ସମ୍ପର୍କିତ ସ୍ବାଧିକାର କମିଟି ରିପୋର୍ଟ ନ ଆସିବା ପର୍ଯ୍ୟନ୍ତ ଗୃହକାର୍ଯ୍ୟରୁ ଦୂରେଇ ରହିବାକୁ କୁହାଯାଇଛି। ନିଲମ୍ବନ ନେଇ ଗୃହର ନେତା ପୀୟୂଷ ଗୋୟଲ ଆଣିଥିବା ପ୍ରସ୍ତାବ ଗୃହୀତ ହେବା ପରେ ସେମାନଙ୍କୁ ନିଲମ୍ବିତ କରାଯାଇଥିଲା। ସ୍ବାଧିକାର କମିଟିକୁ ୩ ମାସ ମଧ୍ୟରେ ରିପୋର୍ଟ ଦେବାକୁ କୁହାଯାଇଥିବାରୁ ୧୧ଏମ୍‌ପି ସେତେଦିନ ପର୍ଯ୍ୟନ୍ତ ଗୃହକାର୍ଯ୍ୟରେ ଯୋଗଦେଇପାରିବେ ନାହିଁ। ରାଜ୍ୟ ସଭା ଅଧ୍ୟକ୍ଷ ଜଗଦୀପ୍‌ ଧନ୍‌କର ନିଲମ୍ବନ ହେବାକୁ ଥିବା ସଦସ୍ୟମାନଙ୍କ ନାଁ ପଢ଼ିବା ପରେ ଧ୍ୱନିମତରେ ପ୍ରସ୍ତାବ ଗୃହୀତ ହୋଇଥିଲା।

୨୦୦୧ ପାର୍ଲାମେଣ୍ଟ ଆକ୍ରମଣର ବର୍ଷ ପୂର୍ତ୍ତି ବେଳେ ଗତ ୧୩ ତାରିଖରେ ଦୁଇଜଣ ସନ୍ଦିଗ୍ଧ ପବ୍ଲିକ୍‌ ଗ୍ୟାଲେରିରୁ ଲୋକ ସଭା ଚାମ୍ବର ମଧ୍ୟକୁ ଡେଇଁ ସଂସଦ ସୁରକ୍ଷାରେ ବିଭ୍ରାଟ ସୃଷ୍ଟି କରିଥିଲେ। ସେମାନେ ଗୃହ ଭିତରେ ଧୂଅଁା ବମ୍‌ ଫୁଟାଇବାରୁ ଆତଙ୍କ ଖେଳିଯାଇଥିଲା। ସୁରକ୍ଷାରେ ତ୍ରୁଟି ଘଟଣାର ଉଚ୍ଚସ୍ତରୀୟ ତଦନ୍ତ ଲାଗି ଲୋକ ସଭା ବାଚସ୍ପତି ଓମ୍‌ ବିର୍ଲା ନିର୍ଦ୍ଦେଶ ଦେବା ସହ ପ୍ରସଙ୍ଗକୁ ରାଜନୀତୀକରଣ ନ କରିବାକୁ ସମସ୍ତ ସଦସ୍ୟଙ୍କୁ ନିବେଦନ କରିଥିଲେ। ସଂସଦୀୟ ବ୍ୟାପାର ମନ୍ତ୍ରୀ ଜୋଷୀ ଲୋକ ସଭାରେ ଉକ୍ତ ପ୍ରସଙ୍ଗରେ ବିବୃତି ରଖିଥିଲେ। ତେବେ ସ୍ବରାଷ୍ଟ୍ର ମନ୍ତ୍ରୀ ଶାହାଙ୍କବିବୃତି ଦାବିରେ ବିରୋଧୀ ସଦସ୍ୟମାନେ ଗୃହକୁ ଅଚଳ କରି ରଖିଛନ୍ତି।

ପ୍ରକାଶ ଯେ, ପାର୍ଲାମେଣ୍ଟର ଉଭୟ ଗୃହରେ ଦାବି ଉପସ୍ଥାପନ ସମୟରେ ହଟ୍ଟଗୋଳ ଏବଂ ପ୍ଲାକାର୍ଡ ପ୍ରଦର୍ଶନ କରିବା ଅଭିଯୋଗରେ ଏକାଧିକବାର ବିରୋଧୀ ସଦସ୍ୟ ନିଲମ୍ବିତ ହୋଇଛନ୍ତି। ୨୦୨୨ରେ ଗୃହରେ ହଟ୍ଟଗୋଳ କରିବା ଅଭିଯୋଗରେ ଲୋକ ସଭାର ୪ ଏବଂ ରାଜ୍ୟ ସଭାର ୧୯ଜଣ ଏପରି କି ମୋଟ ୨୩ଜଣଙ୍କୁ ନିଲମ୍ବନ କରାଯାଇଥିଲା। ୨୦୨୧ରେ ଶୀତ ଅଧିବେଶନ ଚାଲିଥିବାବେଳେ ବିଶୃଙ୍ଖଳିତ ଆଚରଣ ପ୍ରଦର୍ଶନ ପାଇଁ ରାଜ୍ୟ ସଭାର ୧୨ ଏମ୍‌ପି ନିଲମ୍ବିତ ହୋଇଥିଲେ। ୨୦୨୦ରେ ଲୋକ ସଭା ଏବଂ ରାଜ୍ୟ ସଭାର ୧୯ଜଣ ଏମ୍‌ପି ନିଲମ୍ବିତ ହୋଇଥିବାବେଳେ ୨୦୧୯ରେ ଲୋକ ସଭାର ୪୫ଜଣ ଏମ୍‌ପି ନିଲମ୍ବିତ ହୋଇଥିଲେ। ସେହିପରି ୨୦୧୫ରେ ୨୫ ଲୋକ ସଭା ଏମ୍‌ପି, ୨୦୧୪ରେ ୧୪ ଲୋକ ସଭା ଏମ୍‌ପି ନିଲମ୍ବିତ ହୋଇଥିବାବେଳେ ୨୦୧୨ରେ ୮ ଏବଂ ୨୦୧୦ରେ ୭ଜଣ ରାଜ୍ୟ ସଭା ଏମ୍‌ପି ନିଲମ୍ବିତ ହୋଇଥିଲେ।
ସୋମବାର ଉଭୟ ଗୃହର ୭୮ଜଣ ଏମ୍‌ପିଙ୍କୁ ନିଲମ୍ବନ କରାଯିବାପରେ ବିରୋଧୀଦଳଗୁଡ଼ିକ ପକ୍ଷରୁ ତ୍ରୀବ୍ର ନିନ୍ଦା କରାଯାଇଛି। ଏହାକୁ ଗଣତନ୍ତ୍ର ପାଇଁ ବିପଦ ବୋଲି କୁହାଯାଇଛି। କଂଗ୍ରେସ ଏମ୍‌ପି ଅଧୀର ରଞ୍ଜନ ଚୌଧୁରୀ କହିଛନ୍ତି, ପୂର୍ବରୁ ଯେଉଁ ଏମ୍‌ପିମାନଙ୍କୁ ନିଲମ୍ବନ କରାଯାଇଥିଲା ସେମାନଙ୍କ ଉପରୁ ନିଲମ୍ବନ ଆଦେଶ ପ୍ରତ୍ୟାହାର କରିବାକୁ ଆମେ ଦାବି କରିଥିଲୁ। ଏଥିସହ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ଗୃହକୁ ଆସି ବିବୃତି ରଖିବାକୁ କହିଥିଲୁ। ଶାହା ଟିଭି ଚ୍ୟାନେଲକୁ ବିବୃତ୍ତି ଦେଉଛନ୍ତି, ହେଲେ ପାର୍ଲାମେଣ୍ଟର ସୁରକ୍ଷା ପ୍ରସଙ୍ଗରେ ଗୃହରେ ବିବୃତି ରଖିପାରୁନାହାନ୍ତି। କେନ୍ଦ୍ର ସରକାର ଗର୍ବ ଏବଂ ଅହଂକାରର ପାହାଡ଼ ଉପରେ ବସିଛନ୍ତି ବୋଲି ଚୌଧୁରୀ କହିଛନ୍ତି। ଏହି ପ୍ରସଙ୍ଗରେ ବିଜେଡି ଏମ୍‌ପି ଭର୍ତ୍ତୃହରି ମହତାବ କହିଛନ୍ତି , ଗତ ସପ୍ତାହ ଧରି ବିରୋଧୀମାନେ ଗୃହରେ କରିଆସୁଥିବା ହଟ୍ଟଗୋଳର ଫଳ ହେଉଛି ନିଲମ୍ବନ ଆଦେଶ। ଟିଏମ୍‌ସି ଏମ୍‌ପି ସୁଦୀପ ବନ୍ଦୋପାଧ୍ୟାୟ କହିଛନ୍ତି, ଭାଜପା ସରକାର ସଂସଦୀୟ ଗଣତନ୍ତ୍ରରେ ବିରୋଧୀ ବ୍ୟବସ୍ଥାକୁ ଚାପିଦେବାକୁ ଚେଷ୍ଟା କରୁଛନ୍ତି। ଏହି ଘଟଣା ଆସନ୍ତା ଇଣ୍ଡିଆ ବୈଠକରେ ଆଲୋଚନା କରାଯିବ ବୋଲି ସୁଦୀପ କହିଛନ୍ତି। କଂଗ୍ରେସ ଏମ୍‌ପି କେ.ସି. ବେଣୁଗୋପାଳ କହିଛନ୍ତି, ଗୃହ କେବଳ ଗୋଟିଏ ଲକ୍ଷ୍ୟରେ ଚାଲିଛି, ତାହା ହେଉଛି ବିରୋଧୀଙ୍କ ସ୍ବରକୁ ଚାପିଦେବା। ଆଉ ଯିଏ ବିରୋଧ କଲା ତାକୁ ନିଲମ୍ବନ କରିବା। ଆମେ ଜାଣିଛୁ ଯେ, ଗୃହରେ ବିଭିନ୍ନ ପ୍ରସଙ୍ଗରେ ଆଲୋଚନା ଏବଂ ବିତର୍କ ହୁଏ, ହେଲେ ଏବେ କେବଳ ଏମ୍‌ପିଙ୍କୁ ନିଲମ୍ବିତ କରିବାରେ କେନ୍ଦ୍ର ସରକାର ଲାଗିପଡ଼ିଛନ୍ତି ବୋଲି ବେଣୁଗୋପାଳ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

PAN ପରେ ଏବେ Voter ID ସହ ଲିଙ୍କ ହେବ ଆଧାର

ନୂଆଦିଲ୍ଲୀ,୧୮।୩: ଆଧାର ଏବଂ ଭୋଟର ପରିଚୟପତ୍ର (EPIC)କୁ ଲିଙ୍କ କରିବାର ପଥ ପରିଷ୍କାର ହୋଇଯାଇଛି। ମଙ୍ଗଳବାର ଅନୁଷ୍ଠିତ ଏକ ଗୁରୁତ୍ୱପୂର୍ଣ୍ଣ ବୈଠକରେ ଦେଶର ନିର୍ବାଚନ କମିଶନ...

ଇଡି ଜେରା ସମୟରେ ପୂର୍ବତନ ମୁଖ୍ୟମନ୍ତ୍ରୀଙ୍କୁ ଲଞ୍ଚ କରିବାକୁ ମିଳିଲା ଅନୁମତି

ପାଟନା,୧୮।୩: ମଙ୍ଗଳବାର ଲ୍ୟାଣ୍ଡ ଫର୍‌ ଜବ ଦୁର୍ନୀତି ମାମଲାରେ ଇଡି ବିହାରର ପୂର୍ବତନ ମୁଖ୍ୟମନ୍ତ୍ରୀ ରାବ୍ରୀ ଦେବୀଙ୍କୁ ପଚରାଉଚରା କରିଥିଲା। ରାବ୍ରୀ ଦେବୀଙ୍କ ଝିଅ ମୀସା...

ହତ୍ୟାକାଣ୍ଡ ମାମଲାରେ ୪୪ ବର୍ଷ ପରେ ୩ ଙ୍କୁ ମୃତ୍ୟୁଦଣ୍ଡ, ରାୟ ଶୁଣି କାନ୍ଦି ପକାଇଲେ ଦୋଷୀ

ମୈନପୁରୀ,୧୮।୩: ଫିରୋଜାବାଦର ଜସରାଣାର ଦିହୁଲି ଗାଁରେ ନଭେମ୍ବର ୧୮, ୧୯୮୧ରେ ଘଟିଥିବା ୨୪ ଜଣ ଦଳିତଙ୍କ ଗଣହତ୍ୟା ଘଟଣାରେ ମଙ୍ଗଳବାର କୋର୍ଟ ତିନି ଜଣ ଦୋଷୀଙ୍କୁ...

ଅତି ସହଜ ଉପାୟରେ ଘରେ ବସି ଆଧାର କାର୍ଡରେ ନିଜ ଠିକଣା ବଦଳେଇପାରିବେ, ଜାଣନ୍ତୁ ପ୍ରକ୍ରିୟା

ନୂଆଦିଲ୍ଲୀ,୧୮।୩: ଭାରତର ପ୍ରତ୍ୟେକ ନାଗରିକଙ୍କର ଏକ ଗୁରୁତ୍ୱପୂର୍ଣ୍ଣ ପରିଚୟ ରହିଛି ଯେଉଁଥିରେ ଏକ 12-ଅଙ୍କ ବିଶିଷ୍ଟ ପରିଚୟପତ୍ର ରହିଛି। ଏଥିରେ, ବ୍ୟକ୍ତିଙ୍କ ବାୟୋମେଟ୍ରିକ ସୂଚନା, ନାମ,...

‘ମୁଁ ମୋଦିଙ୍କ ସହ ସହମତ’, ମହାକୁମ୍ଭକୁ ନେଇ ପ୍ରଧାନମନ୍ତ୍ରୀ ଦେଇଥିବା ବୟାନକୁ ସମର୍ଥନ କଲେ ରାହୁଲ

ନୂଆଦିଲ୍ଲୀ,୧୮।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଲୋକ ସଭାରେ ପ୍ରୟାଗରାଜରେ ଆୟୋଜିତ ମହାକୁମ୍ଭକୁ ପ୍ରଶଂସା କରିଛନ୍ତି। ପ୍ରଧାନମନ୍ତ୍ରୀ କହିଥିଲେ ଯେ ଏହି କାର୍ଯ୍ୟକ୍ରମ ଦେଶରେ ଏକତାର...

ବାୟୁସେନା ଓ୍ବିଙ୍ଗ କମାଣ୍ଡରଙ୍କ ଉପରେ ବଳାତ୍କାର ଅଭିଯୋଗ: ଏସଆଇଟି ଯାଞ୍ଚ ଉପରେ ରୋକ ଲଗାଇଲେ ସୁପ୍ରିମକୋର୍ଟ

ନୂଆଦିଲ୍ଲୀ,୧୮।୩: ଜମ୍ମୁ-କଶ୍ମୀରରେ ଜଣେ ବରିଷ୍ଠ ବାୟୁସେନା ଅଧିକାରୀଙ୍କ ବିରୁଦ୍ଧରେ ଜଣେ ମହିଳା ଅଧିକାରୀଙ୍କ ଦ୍ୱାରା ହୋଇଥିବା ବଳାତ୍କାର ମାମଲାର SIT ନେତୃତ୍ୱରେ ତଦନ୍ତରେ ପରବର୍ତ୍ତୀ ପ୍ରକ୍ରିୟାକୁ...

“ଭାରତରେ ଆପଣଙ୍କୁ ଦେଖିବାକୁ ଅପେକ୍ଷା କରୁଛି”: ସୁନୀତା ୱିଲିୟମ୍ସଙ୍କୁ ପ୍ରଧାନମନ୍ତ୍ରୀ ମୋଦିଙ୍କ ଚିଠି

ନୂଆଦିଲ୍ଲୀ,୧୮।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତୀୟ ବଂଶୋଦ୍ଭବ ନାସା ମହାକାଶଚାରୀ ସୁନୀତା ୱିଲିୟମ୍ସଙ୍କୁ ଚିଠି ଲେଖିଛନ୍ତି। ସୁନୀତା ମଙ୍ଗଳବାର ଅନ୍ତର୍ଜାତୀୟ ମହାକାଶ ଷ୍ଟେସନ (ISS) ରୁ...

ଔରଙ୍ଗଜେବଙ୍କ ବିରୋଧରେ ‘ଲୋକଙ୍କ କ୍ରୋଧ’ ପାଇଁ ଛାଭା ଚଳଚ୍ଚିତ୍ର ଦାୟୀ: ଦେବେନ୍ଦ୍ର ଫଡନାଭିସ୍

ମୁମ୍ବାଇ,୧୮।୩: ମହାରାଷ୍ଟ୍ରରେ ଚାଲିଥିବା ଔରଙ୍ଗଜେବ ବିବାଦ ଏବଂ ସୋମବାର ନାଗପୁରରେ ଘଟିଥିବା ହିଂସା ମଧ୍ୟରେ, ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ମଙ୍ଗଳବାର ୧୭ଶ ଶତାବ୍ଦୀର ମୋଗଲ ସମ୍ରାଟଙ୍କ...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri
preload imagepreload image