ନୂଆଦିଲ୍ଲୀ,୮।୨ : ତିନି ଜଣ ଆତଙ୍କବାଦୀ ଏବଂ ଜଣେ ମହିଳାଙ୍କ ସମେତ ଆଠ ଜଣ ପଳାତକ କେରଳରୁ ପଳାୟନ କରିଛନ୍ତି। ଇଣ୍ଟରପୋଲ ସେମାନଙ୍କୁ ଧରିବା ରେଡ କର୍ନର ନୋଟିସ ଜାରି କରିବା ପରେ ମଧ୍ୟ ସେମାନେ ମୁକ୍ତ ଭାବରେ ବୁଲୁଛନ୍ତି। ଏହି ତାଲିକାରେ ଦୁଇଜଣ କୁଖ୍ୟାତ ପଳାତକ ସୁକୁମାର କୁରୁପ ଏବଂ ଡ. ଏଦାଦି ଓମାନା ମଧ୍ୟ ଅଛନ୍ତି। ବହୁ ବର୍ଷ ପୂର୍ବେ ରେଡ କର୍ନର ଆଲର୍ଟ ଜାରି ହେବା ପରେ ମଧ୍ୟ ଅନ୍ତର୍ଜାତୀୟ ପୋଲିସ ଏବଂ ଅନ୍ୟାନ୍ୟ ଅନୁସନ୍ଧାନକାରୀ ସଂସ୍ଥା ଦଶନ୍ଧି ଧରି ସେମାନଙ୍କୁ ଧରିବାରେ ବିଫଳ ହୋଇଛନ୍ତି। ଥରେ ଇଣ୍ଟରପୋଲ ଦ୍ୱାରା ଏକ ରେଡ କର୍ନର ନୋଟିସ ଜାରି ହେବା ପରେ ଅପରାଧୀଙ୍କ ବିବରଣୀ ସମଗ୍ର ବିଶ୍ୱରେ ବିମାନବନ୍ଦର କର୍ତ୍ତୃପକ୍ଷଙ୍କ ସହ ଶେୟାର କରାଯାଇଥାଏ। ଯାହା ଫଳରେ ଗୋଟିଏ ଦେଶରୁ ଅନ୍ୟ ଦେଶକୁ ଯାତ୍ରା କରିବା ଅସମ୍ଭବ ହୋଇଯାଏ । ଇଣ୍ଟରପୋଲ ରେଡ କର୍ଣ୍ଣର ନୋଟିସ ତାଲିକାରେ କେରଳର ଏସବୁ ପଳାତକଙ୍କ ନାମ ଅନ୍ତର୍ଭୁକ୍ତ ।
ସେଥିମଧ୍ୟରେ ମାଲାପୁରାମର ମୋଙ୍ଗାମରୁ ମହମ୍ମଦ ହନିଫା ଅଛନ୍ତି। ଦଙ୍ଗା ଏବଂ ହତ୍ୟା ଉଦ୍ୟମ ଅଭିଯୋଗ ହନିଫାଙ୍କ ବିରୋଧରେ ରହିଛି। ତିରୁବନନ୍ତପୁରମର କେଜାଟିଙ୍ଗାଲର ସୁଧିନ କୁମାର ଶ୍ରୀଧରନ ହତ୍ୟାକାଣ୍ଡରେ ଦୋଷୀ ସାବ୍ୟସ୍ତ ହୋଇଛନ୍ତି। ଆଲାପୁଜାସ୍ଥିତ ଚେଙ୍ଗାନୁର ସୁକୁମାରନ ସିଭାରାମ କୁରୁପଙ୍କ ବିରୋଧରେ ହତ୍ୟା ଏବଂ ପ୍ରମାଣ ନଷ୍ଟ ଅଭିଯୋଗ ରହିଛି। କାସରଗୋଡର ନୟନମର୍ମୁଲାର ଚେରିୟାଭେଟିଲ ସାଦ୍ଦିକ ଅପରାଧିକ ଷଡଯନ୍ତ୍ର ଏବଂ ପ୍ରତାରଣା ଅଭିଯୋଗରେ ଦୋଷୀ ସାବ୍ୟସ୍ତ ହୋଇଛନ୍ତି। ଏହା ବ୍ୟତୀତ କନ୍ନୁର କୋଚୁପେଡିକାୟିଲ ସାବୀର ବିସ୍ଫୋରକ ଲଗାଇବା ସହ ଆତଙ୍କବାଦୀ କାର୍ଯ୍ୟକଳାପରେ ଲିପ୍ତ ଥିବା ଅଭିଯୋଗ ହୋଇଛି।
କାସାରାଗୋଡର କୋଲାନଜାନା ମହମ୍ମଦ ରଫିକଙ୍କ ବିରୋଧରେ ହତ୍ୟା ଏବଂ ଅପହରଣ ଅଭିଯୋଗ ରହିଛି। କନ୍ନୁରର ଡ. ଏଦାଦି ଓମାନାଙ୍କ ବିରୋଧରେ ହତ୍ୟା ଏବଂ ଅପହରଣ ଅଭିଯୋଗ ହୋଇଛି।
କେରଳର ଅନ୍ୟତମ କୁଖ୍ୟାତ ପଳାତକ ସୁକୁମାର କୁରୁପ ୧୯୮୪ ମସିହାରୁ ଫେରାର ଅଛନ୍ତି। ୮ ଲକ୍ଷ ଟଙ୍କା ବୀମା ରାଶି ହାସଲ କରିବା ପାଇଁ ସେ ନିଜ ମୃତ୍ୟୁର ଏକ ନାଟକ ତିଆରି କରିଥିବା ଅଭିଯୋଗ ହୋଇଛି। କୁରୁପ ତାଙ୍କ ଭାଇ, ଡ୍ରାଇଭର ଏବଂ ଅନ୍ୟ ଜଣେ ବନ୍ଧୁଙ୍କ ସହାୟତାରେ ଏହି ହତ୍ୟାକାଣ୍ଡ ଘଟାଇଥିଲେ। ସେ ଜଣେ ଯୁବକଙ୍କୁ ହତ୍ୟା କରିଥିଲେ। ପୋଲିସ କୁରୁପଙ୍କ ସହଯୋଗୀଙ୍କୁ ଗିରଫ କରିବାରେ ସଫଳ ହୋଇଥିଲା, କିନ୍ତୁ ତାଙ୍କୁ ଖୋଜି ପାରି ନ ଥିଲା। ଗତ ୧୬ ବର୍ଷ ଧରି ଓମାନା ମଧ୍ୟ ଅଫରାର ଅଛନ୍ତି।
୧୯୯୬ ରେ ତାଙ୍କ ପ୍ରେମିକା ପି ମୁରଲୀଧରନଙ୍କୁ ହତ୍ୟା କରିବା ପରେ ପଳାତକ ଘୋଷିତ ହୋଇଛନ୍ତି। ସେ ମୁରଲୀଧରନଙ୍କ ଶରୀରକୁ ଅନେକ ଖଣ୍ଡରେ କାଟି ତାମିଲନାଡୁର ଉଟିକୁ ଏକ ସୁଟକେସରେ ନେଇଥିଲେ। ତେବେ ତାଙ୍କୁ ଗିରଫ କରାଯାଇଥିଲା। ପରେ ଜାମିନ ପାଇବା ପରେ ସେ ପଳାୟନ କରିଥିଲେ। ଏହି ତାଲିକାରେ ଅଭିଯୁକ୍ତ ତିନିଜଣ ଆତଙ୍କବାଦୀ ମଧ୍ୟ ଅଛନ୍ତି।