ନୂଆଦିଲ୍ଲୀ, ୧୯ା୭: ଓମାନ ତଟରେ ଜୁଲାଇ ୧୪ ତାରିଖରେ କୋମୋରୋଲ ଧ଼୍ବଜ ଲାଗିଥିବା ଏକ ମାଲବାହୀ ଜାହଜ ଓଲଟି ପଡ଼ିଥିବା ଜଣାପଡ଼ିଛି । ଏହି ଜାହଜରେ ୧୩ ଭାରତୀୟଙ୍କ ସମେତ ୧୬ ଜଣ ନିଖୋଜ ହୋଇଯାଇଥିଲେ । ଅନ୍ୟ ୩ ସଦସ୍ୟ ଶ୍ରୀଲଙ୍କାର ବୋଲି ଜଣାପଡ଼ିଛି । ସେମାନଙ୍କ ମଧ୍ୟରୁ ବର୍ତ୍ତମାନ ୮ ଭାରତୀୟ ଏବଂ ଜଣେ ଶ୍ରୀଲଙ୍କା ନାଗରିକଙ୍କୁ ଉଦ୍ଧାର କରାଯାଇଥି ସୂଚନା ମିଳିଛି ।
ସୂଚନାନୁସାରେ, ଏହି ଜାହଜର ନାମ ଏମ୍ଟି ଫାଲକନ ପ୍ରେଷ୍ଟିଜ୍ । ଏହା ଓଲଟି ପଡ଼ିଥିବା ବେଳେ ନିଖେଜ କ୍ରୁ ସଦସ୍ୟଙ୍କୁ ଖୋଜା ଜାରି ରହିଛି । ୯ ଜଣଙ୍କୁ ଉଦ୍ଧାର କରାଯାଇଛି । ଏଥିରେ ଆଠ ଜଣ ଭାରତୀୟ ଏବଂ ଜଣେ ଶ୍ରୀଲଙ୍କା ନାଗରିକ ଅଛନ୍ତି । ଅବଶିଷ୍ଟ କ୍ରୁ ସଦସ୍ୟମାନଙ୍କୁ ଖୋଜିବା ଏବଂ ଉଦ୍ଧାର କାର୍ଯ୍ୟ ଜାରି ରଖିବ ଭାରତ । ଓମାନରେ ଥିବା ଭାରତୀୟ ଦୂତାବାସ ଗଲ୍ଫ ଦେଶର ସମ୍ପୃକ୍ତ ଅଧିକାରୀଙ୍କ ସହ ଯୋଗାଯୋଗରେ ଅଛି । ଜାହାଜ ଫାଲକନ ପ୍ରେଷ୍ଟିଜ ଜୁଲାଇ ୧୪ ରେ ରାତି ପ୍ରାୟ ୧୦ ଟା ସମୟରେ ଓମାନ ଉପକୂଳରୁ ଏକ ଜାହଜ ପ୍ରତି ବିପଦ ଥିବା ସୂଚନା ପଠାଇଥିଲା ।