ପ୍ୟୋଙ୍ଗୟ୍ୟାଙ୍ଗ,୧୮।୩ : ଦକ୍ଷିଣ କୋରିଆ ଏବଂ ଆମେରିକାର ମିଳିତ ସାମରିକ ଅଭ୍ୟାସକୁ ବନ୍ଦ କରିବା ପାଇଁ ଉତ୍ତର କୋରିଆ ପ୍ରତିଦିନ ନୂଆ ଅଭିମୁଖ୍ୟ୍ ଗ୍ରହଣ କରୁଛି। ଆଇସିବିଏମ ଲଞ୍ଚ କରିବାର ଗୋଟିଏ ଦିନ ପରେ ଉତ୍ତର କୋରିଆ ଏକ ବଡ ଘୋଷଣା କରିଛି। କୁହାଯାଇଛି ଯେ ଉତ୍ତର କୋରିଆର ଆଠ ଲକ୍ଷ ଲୋକ ଆମେରିକା ବିରୋଧରେ ଯୁଦ୍ଧ ପାଇଁ ସେନାରେ ଯୋଗ ଦେବାକୁ ଚାହୁଁଛନ୍ତି। ଏଥିରେ ବହୁ ସଂଖ୍ୟକ ଛାତ୍ର ଏବଂ ଶ୍ରମିକ ଶ୍ରେଣୀ ମଧ୍ୟ ଅନ୍ତର୍ଭୁକ୍ତ। ଉତ୍ତର କୋରିଆ ଖବରକାଗଜ ରୋଡୋଙ୍ଗ ସିନମୁନରେ ଏହି ଦାବି କରାଯାଇଛି।
ଏହାପୂର୍ବରୁ ଗୁରୁବାର ଉତ୍ତର କୋରିଆ ହାୱାସଙ୍ଗ -୧୭ ଆନ୍ତଃମହାଦେଶୀୟ ବାଲିଷ୍ଟିକ କ୍ଷେପଣାସ୍ତ୍ର (ଆଇସିବିଏମ) ଉତକ୍ଷେପଣ କରିଥିଲା। ଖବର ଅନୁଯାୟୀ, ଉତ୍ତର କୋରିଆ କୋରିଆ ଉପଦ୍ୱୀପ ଏବଂ ଜାପାନ ମଧ୍ୟରେ ସମୁଦ୍ରରେ ଆଇସିବିଏମ ପକାଇ ଥିଲା। ଏହି ସମ୍ମିଳନୀରେ ଯୋଗଦେବା ପାଇଁ ଦକ୍ଷିଣ କୋରିଆର ରାଷ୍ଟ୍ରପତି ଟୋକିଓ ଯିବାକୁ ଥିବାବେଳେ ଉତ୍ତର କୋରିଆ ଏହା କରିଥିଲା।
ମିଳିତ ଜାତିସଂଘ ସୁରକ୍ଷା ପରିଷଦର ନିଷ୍ପତ୍ତି ଅନୁଯାୟୀ ଉତ୍ତର କୋରିଆର ବାଲିଷ୍ଟିକ କ୍ଷେପଣାସ୍ତ୍ର ଉପରେ ନିଷେଧାଦେଶ ଦିଆଯାଇଛି ଏବଂ ଏହି ଉତକ୍ଷେପଣ ସିଓଲ, ୱାଶିଂଟନ ଏବଂ ଟୋକିଓର ସରକାରଙ୍କ ଦ୍ୱାରା ନିନ୍ଦା କରାଯାଇଛି। ଅନ୍ୟପକ୍ଷରେ ଉତ୍ତର କୋରିଆର ଏକଛତ୍ରବାଦୀ ଶାସକ କିମ ଜୋଙ୍ଗ ଉନ ଏହି ଉତ୍ତେଜନା ପାଇଁ ଆମେରିକା ଏବଂ ଦକ୍ଷିଣ କୋରିଆକୁ ଦାୟୀ କରିଛନ୍ତି।
