ଶିମଲା,୯।୧୨: ଗୁଜରାଟ ଓ ହିମାଚଳ ପ୍ରଦେଶର ବହୁପ୍ରତୀକ୍ଷିତ ବିଧାନସଭା ନିର୍ବାଚନ ଫଳ ଗୁରୁବାର ପ୍ରକାଶ ପାଇଛି। ଏଥିରେ ହିମାଚଳ ପ୍ରଦେଶର ବିଦାୟୀ ମୁଖ୍ୟମନ୍ତ୍ରୀ ଜୟରାମ ଠାକୁରଙ୍କ ୮ କ୍ୟାବିନେଟର ମନ୍ତ୍ରୀ ପରାସ୍ତ ହେବା ଭାଜପା ପାଇଁ ଏକ ବଡ଼ ଝଟ୍କା ଲାଗିଛି। ଜୟରାମ ସେରାଜ ଆସନରୁ ବିଜୟୀ ହୋଇଛନ୍ତି। କିନ୍ତୁ ତାଙ୍କ କ୍ୟାବିନେଟର ସୁରେଶ ଭରଦ୍ୱାଜ, ରାକେଶ ପଠାନିଆ, ଗୋବିନ୍ଦ ସିଂ ଠାକୁର, ରାମଲାଲ ମାର୍କଣ୍ଡ, ରାଜିନ୍ଦର ଗର୍ଗ, ରାଜୀବ ସେଜାଲ, ସର୍ବିନ ଚୌଧୁରୀ ଓ ବିରେନ୍ଦ୍ର କନ୍ଓ୍ବର ପରାଜିତ ହୋଇଛନ୍ତି। ଅନ୍ୟ ୪ ମନ୍ତ୍ରୀ ବିଜୟୀ ହୋଇଛନ୍ତି।