କୁଜଙ୍ଗ,୨୧। ୧୨(ଡି.ଏନ୍.ଏ.): ଜଗତ୍ସିଂହପୁର ଜିଲା କୁଜଙ୍ଗ ଥାନା ଅନ୍ତର୍ଗତ ଦୁଆଡିଆ ଗ୍ରାମରେ ମଙ୍ଗଳବାର ସନ୍ଧ୍ୟାରେ ଭୟାବହ ଅଗ୍ନିକାଣ୍ଡ ଘଟି ୬ ବଖରା ଜଳିଯାଇଛି। ସେଠାରେ ଥିବା ୮୦ ଛେଳି ସମେତ ଗୋଟିଏ ଗାଈ ଜୀବନ୍ତଦଗ୍ଧ ହୋଇଯାଇଛନ୍ତି। ଆଉ ଏକ ଗାଈର ଅବସ୍ଥା ଗୁରୁତର ରହିଛି। ଅଗ୍ନିକାଣ୍ଡରେ ଗ୍ରାମର ପହଲି ସ୍ବାଇଁଙ୍କ ପୁଅ ବାଦଲ ସ୍ବାଇଁ କ୍ଷତିଗ୍ରସ୍ତ ହୋଇଛନ୍ତି। ନିଅଁା ଲାଗିବାର କାରଣ ସ୍ପଷ୍ଟ ହୋଇ ନ ଥିବା ବେଳେ ବିଦ୍ୟୁତ୍ ଶର୍ଟସର୍କିଟରୁ ଅଗ୍ନିକାଣ୍ଡ ଘଟିଥିତ୍ବା ଆଶଙ୍କା କରାଯାଉଛି। ନିଆଁ ଲାଗିବା ଦେଖି ପରିବାର ଲୋକେ ଓ ପଡ଼ୋଶୀ ଅବଶିଷ୍ଟ ଛେଳିଗୁଡ଼ିକୁ ଖୁଣ୍ଟରୁ ଫିଟାଇ ଦେବାରୁ ସେମାନେ ରକ୍ଷା ପାଇ ଯାଇଥିଲେ। ଖବରପାଇ କୁଜଙ୍ଗ ଦମକଳ ବାହିନୀ ପହଞ୍ଚତ୍ ନିଆଁକୁ ଆୟତ୍ତ କରିଥିଲା। ରାଜସ୍ବ ବିଭାଗ ପକ୍ଷରୁ ଆରଆଇ ଦୀନବନ୍ଧୁ ସୋରେନ୍ ଓ ସନ୍ତୋଷ ଲେଙ୍କା ଘଟଣାସ୍ଥଳରେ ପହଞ୍ଚତ୍ ବିପନ୍ନ ପରିବାରକୁ ଜରିପାଲ ପ୍ରଦାନ କରିଛନ୍ତି। ସେ ଛଅବଖରା ଛେଳି ଘରେ ପ୍ରାୟ ୧୫୦ ଛେଳି ରଖି ପରିବାର ପ୍ରତିପୋଷଣ କରୁଥିଲେ। ଏହି ଅଗ୍ନିକାଣ୍ଡ ପରେ ବାଦଲ ଅସହାୟ ହୋଇପଡ଼ିଛନ୍ତି। ତାଙ୍କ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ସାମାଜିକ କର୍ମୀ ନୂତନ ତ୍ରିପାଠୀ, ଯୁବ ନେତା ପ୍ରକାଶ ବେହେରା ପ୍ରମୁଖ ଦାବି କରିଛନ୍ତି।