କାବୁଲ,୫।୬ : ଆଫଗାନିସ୍ତାନରେ ପ୍ରାୟ ୮୦ ସ୍କୁଲ ଛାତ୍ରୀଙ୍କୁ ଜହର ଦିଆଯାଇଛିି। ଏନେଇ ତାଲିବାନ ଉପରେ ସନ୍ଦେହ କରାଯାଉଛି। କିନ୍ତୁ ତାଲିବାନ ଏହି ଘଟଣାରେ କୌଣସି ସମ୍ପୃକ୍ତିକୁ ଅସ୍ବୀକାର କରିଛି। ଉତ୍ତର ଆଫଗାନିସ୍ତାନର ପ୍ରାଥମିକ ବିଦ୍ୟାଳୟ ଉପରେ ଦୁଇଟି ପୃଥକ ଘଟଣାରେ ପ୍ରାୟ ୮୦ ବାଳିକା ଜହର ଖାଇ ଡାକ୍ତରଖାନାରେ ଭର୍ତ୍ତି ହୋଇଥିଲେ ବୋଲି ସ୍ଥାନୀୟ ଶିକ୍ଷା ଅଧିକାରୀ କହିଛନ୍ତି।
ଶିକ୍ଷା ଅଧିକାରୀ କହିଛନ୍ତି ଏହି ଜହରକୁ ପରିଚାଳନା କରୁଥିବା ବ୍ୟକ୍ତିଙ୍କର ବ୍ୟକ୍ତିଗତ ଶତ୍ରୁତା ଅଛି, କିନ୍ତୁ ସେ ଏହା ସ୍ପଷ୍ଟ କରିନାହାଁନ୍ତି। ଶନିବାର ଏବଂ ରବିବାର ଦିନ ସର-ଇ-ପୁଲ ପ୍ରଦେଶରେ ଏହି ଘଟଣା ଘଟିଥିଲା। ସାଙ୍ଗଚର ଜିଲାରେ ଛାତ୍ରୀଙ୍କୁ ଜହର ଦିଆଯାଇଥିବା ନେଇ ଶିକ୍ଷା ବିଭାଗର ମୁଖ୍ୟ ମହମ୍ମଦ ରହମାନି କହିଛନ୍ତି। ସେ କହିଛନ୍ତି ନାସୱାନ-ଏ-କବାଡ ଅବ ସ୍କୁଲରେ ୬୦ ଜଣ ଏବଂ ନାସୱାନ-ଇ-ଫୈଜାବାଦ ସ୍କୁଲରେ ୧୭ ଜଣ ଛାତ୍ରୀଙ୍କୁ ଜହର ଦିଆଯାଇଛି।