ଭୁବନେଶ୍ୱର,୨୪ା୮(ବ୍ୟୁରୋ): ସୋମବାର ୩୦ ଜିଲାରୁ ୨୯୪୯ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୮୧,୪୭୯ରେ ପହଞ୍ଚିଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି। ଏମାନଙ୍କ ମଧ୍ୟରୁ ୧୮୨୬ ଜଣ କ୍ୱାରାଣ୍ଟାଇନ୍ରୁ ଚିହ୍ନଟ ହୋଇଥିବା ବେଳେ ୧୧୨୩ ଜଣ ସ୍ଥାନୀୟ ସଂକ୍ରମିତ ଭାବେ ଚିହ୍ନଟ ହୋଇଛନ୍ତି।
ଆଜି ଖୋର୍ଦ୍ଧାକୁ ଟପିଛି କଟକ। ଏଠାରୁ ୫୮୯ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଖୋର୍ଦ୍ଧାରୁ ୪୭୪ ଜଣ ଚିହ୍ନଟ ହୋଇଛନ୍ତି। ସେହିପରି ଯାଜପୁରରୁ ମଧ୍ୟ ଆଜି ୨୧୫ ପଜିଟିଭ୍ ଚିହ୍ନଟ ହୋଇଛନ୍ତି। ସେହିପରି ଅନ୍ୟ ଜିଲାଗୁଡ଼ିକ ମଧ୍ୟରେ ଅନୁଗୋଳରୁ ଜଣେ, ବାଲେଶ୍ୱର ୮୮, ବରଗଡ଼ ୬୨, ଭଦ୍ରକ ୬୬,ବଲାଙ୍ଗୀର ୫୭, ବୌଦ୍ଧ ୩, ଦେବଗଡ଼ ୨, ଢେଙ୍କାନାଳ ୧୩, ଗଜପତି ୩, ଗଞ୍ଜାମ ୧୭୯, ଜଗତସିଂହପୁର ୫୧, ଝାରସୁଗୁଡ଼ା ୨୦, କଳାହାଣ୍ଡି ୩୦, କନ୍ଧମାଳ ୩୪, କେନ୍ଦ୍ରାପଡ଼ା ୫୬, କେନ୍ଦୁଝର ୩୦, କୋରାପୁଟ ୧୮୧, ମାଲକାନଗିରି ୭୮, ମୟୂରଭଞ୍ଜ ୧୫୬, ନବରଙ୍ଗପୁର ୨୬, ନୟାଗଡ଼ ୯୩, ନୂଆପଡ଼ା ୨, ପୁରୀ ୮୬, ରାୟଗଡ଼ା ୧୪୩, ସମ୍ବଲପୁର ୧୦୪, ସୋନପୁର ୨୬ ଏବଂ ସୁନ୍ଦରଗଡ଼ରୁ ୮୧ ଜଣ ଚିହ୍ନଟ ହୋଇଛନ୍ତି।
ସୂଚନାଯୋଗ୍ୟ, ରାଜ୍ୟରେ ବର୍ତ୍ତମାନ ସୁଦ୍ଧା ଆକ୍ରାନ୍ତଙ୍କ ସଂଖ୍ୟା ୮୧,୪୭୯ରେ ପହଞ୍ଚିଥିବା ବେଳେ ୫୪,୪୦୫ ଜଣ ସୁସ୍ଥ ହୋଇଛନ୍ତି। ୨୬,୬୦୨ଜଣ ଚିକିତ୍ସିତ ହେଉଛନ୍ତି। ୪୧୯ ଜଣଙ୍କ ମୃତ୍ୟୁ ଘଟିଛି।
