ପୁରୀ ଅଫିସ, ୫।୪: ୨୦୨୪ ସାଧାରଣ ନିର୍ବାଚନକୁ ଦୃଷ୍ଟିରେ ରଖି ସ୍ବରାଷ୍ଟ୍ର ମନ୍ତ୍ରଣାଳୟ ନିର୍ଦ୍ଦେଶ କ୍ରମେ ହାଇଦ୍ରାବାଦ ପ୍ରୋସେସିଂ ୟୁନିଟ୍ରୁ ୬ଟି ଟ୍ରକ ଯୋଗେ ୮୨୦୦ଟି ଇଲେକ୍ଟ୍ରୋନିକ୍ ଭୋଟିଂ ମେଶିନ (ଇଭିଏମ୍) ଆସି ମଙ୍ଗଳବାର ପୁରୀରେ ପହଞ୍ଚତ୍ଛି। ଏଥିରେ ୪୧୦୦ଟି ବାଲାଟ ୟୁନିଟ ଓ ୪୧୦୦ଟି କଣ୍ଟ୍ର୍ରୋଲ ୟୁନିଟ ରହିଛି। ୬୩୦ଟି ଟ୍ରଙ୍କ୍ରେ ଇଭିଏମ୍ଗୁଡ଼ିିକ ପେଣ୍ଠକଟାସ୍ଥିତ ଇଭିଏମ୍ ଗୋଦାମ ନିକଟରେ ପହଞ୍ଚତ୍ବା ପରେ ଜିଲାପାଳ ସମର୍ଥ ବର୍ମା, ଅତିରିକ୍ତ ଜିଲାପାଳ (ପ୍ରଶାସନ) ପ୍ରଦୀପ କୁମାର ସାହୁ, ଡେପୁଟି କଲେକ୍ଟର (ନିର୍ବାଚନ) ଜିତେନ୍ଦ୍ର ପାତ୍ର ସେଗୁଡ଼ିକୁ ତଦାରଖ କରିଥିଲେ। ସେହିପରି ସମସ୍ତ ରାଜନୈତିକ ଦଳର ପ୍ରତିନିଧିମାନେ ଉପସ୍ଥିତ ରହି ମେଶିନଗୁଡ଼ିକୁ ଦେଖିଥିଲେ। ୨୮ଟି ଷ୍ଟ୍ରଙ୍ଗରୁମ୍ରେ କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ଇଭିଏମ୍ଗୁଡ଼ିିକୁ ରଖାଯାଇଛି। ଆଗକୁ ଆହୁରି ୫ ହଜାର ଇଭିଏମ୍ ଆସିବ ବୋଲି ସୂଚନା ମିଳିଛି। ଇସିଆଇଏଲ୍ ହାଇଦ୍ରାବାଦ ଦ୍ୱାରା ଏହି ମେଶିନଗୁଡ଼ିକ ପ୍ରସ୍ତୁତ ହୋଇଥିବା ଜଣାପଡ଼ିଛି। ଅନ୍ୟପକ୍ଷରେ ଆଗାମୀ ସାଧାରଣ ନିର୍ବାଚନ ଖୁବ୍ଶୀଘ୍ର ହେବା ନେଇ ଚର୍ଚ୍ଚାକୁ ଏହି ଇଭିଏମ୍ ପହଞ୍ଚତ୍ବା ଘଟଣା ଅଧିକ ଖୋରାକ ଯୋଗାଇଛି। ଦେଶରେ ଖୁବ୍ଶୀଘ୍ର ସାଧାରଣ ନିର୍ବାଚନ କରାଇବାକୁ କେନ୍ଦ୍ର ସରକାର ଚିନ୍ତା କରୁଥିବା ଏଥିରୁ ସ୍ପଷ୍ଟ ହେଉଛି ବୋଲି ରାଜନୀତି ବିଶେଷଜ୍ଞମାନେ ମତ ଦେଇଛନ୍ତି।
