ଭୁବନେଶ୍ୱର,୩।୫: ରାଜଧାନୀ ଭୁବନେଶ୍ୱରରୁ ସୋମବାର ୮୨୩ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। କ୍ୱାରାଣ୍ଟାଇନ୍ରୁ ୧୫୦ ଜଣ ଚିହ୍ନଟ ହୋଇଥିବା ବେଳେ ସ୍ଥାନୀୟ ଅଞ୍ଚଳରୁ ୬୭୩ ଜଣ ଆକ୍ରାନ୍ତ ହୋଇଛନ୍ତି। ୭୦୯ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି। ଏନେଇ ଭୁବନେଶ୍ୱର ମହାନଗର ନିଗମ(ବିଏମ୍ସି) ପକ୍ଷରୁ ଟୁଇଟ୍ କରି ସୂଚନା ଦିଆଯାଇଛି। ହେଲେ ଚିନ୍ତା ବଢାଇଛି ସ୍ଥାନୀୟ ସଂକ୍ରମଣ। ନୟାପଲ୍ଲୀ ଅଞ୍ଚଳରୁ ୫୯ ଜଣ ଲୋକାଲ କେସ୍ ଚିହ୍ନଟ ହୋଇଛନ୍ତି। ସେହିପରି ଜାମୁଝରୀ, ଶିଖରଚଣ୍ଡୀ, ଜଟଣୀ, ପାଣ୍ଡରା, ଝରଣା, ହରିଦାଶପୁର, ଆଇଗିଣିଆ, ଘାଟିକିଆ, ଡେଲ୍ଟା, କଟକ ରୋଡ ଅଞ୍ଚଳରୁ ମଧ୍ୟ ଲୋକାଲ କେସ ସଂଖ୍ୟା ଅଧିକ ରହିଛି।