ଚାହୁଁଚାହୁଁ ହଠାତ୍ ବିମାନବନ୍ଦରରେ ମାଟିରେ ମିଶିଲା ୮୪ ଫୁଟର ଟାଓ୍ବାର, ଦେଖନ୍ତୁ ପୂରା ଭିଡିଓ
05 ଓ୍ବାଶିଂଟନ,୧୭।୨: ଆମେରିକାର ୟୁଟାରେ ସଲ୍ଟ ଲେକ୍ ସିଟି ଇଣ୍ଟରନ୍ୟାଶନାଲ ବିମାନବନ୍ଦରରେ ୮୪ ଫୁଟର ଏକ ଷ୍ଟିଲ୍ ଏବଂ କଂକ୍ରିଟ ଟାଓ୍ବାର ଧ୍ୱଂସ ହୋଇଯାଇଛି। ବିମାନବନ୍ଦର ପକ୍ଷରୁ ଜାରି କରାଯାଇଥିବା ଭିଡିଓରେ ଏହି ବିଶାଳକାୟ ଟାଓ୍ବାର ତଥା ‘ଡେଲ୍ଟା ଟାଓ୍ବାର’ କିଛି ସମୟ ମଧ୍ୟରେ ଖଣ୍ଡ ଖଣ୍ଡ ହୋଇ ଖସିପଡୁଥିବା ଦେଖିବାକୁ ମିଳିଛି।
ଯାହା ବିମାନବନ୍ଦରର ପୁନଃବିକାଶ ପ୍ରକଳ୍ପ ନିର୍ମାଣର ଦ୍ୱିତୀୟ ପର୍ଯ୍ୟାୟ ପରିବର୍ତ୍ତନକୁ ଚିହ୍ନିତ କରେ। ବିମାନ ବନ୍ଦରର ପୁନଃନିର୍ମାଣ ପ୍ରୋଗ୍ରାମ ନିର୍ଦ୍ଦେଶକ ମାଇକ୍ ଓ୍ବିଲିୟମ୍ସ କୁହନ୍ତି, ଦ୍ୱିତୀୟ ପର୍ଯ୍ୟାୟ ସହିତ ସମସ୍ତେ ଆଗକୁ ବଢ଼ିବା ପାଇଁ ଏହା ଏକ ବିଶେଷ ଦିନ।
ଏହି ଭଙ୍ଗାଯିବାର ଫୁଟେଜ ଶେୟାର କରାଯାଇଥିବା ବେଳେ ସଲ୍ଟ ଲେକ୍ ସିଟି ବିମାନବନ୍ଦର ଟୁଇଟରରେ ଲେଖିଛି, ଆଜି ଗେଟ୍ ସିଧା କରିବା ପାଇଁ ୧୯୮୯ରେ ନିର୍ମିତ ଏହି ୮୪ ଫୁଟର ଡେଲ୍ଟା ଟାଓ୍ବାର ଭୁଶୁଡ଼ି ପଡ଼ିଛି।
ବିମାନବନ୍ଦର ପକ୍ଷରୁ କୁହାଯାଇଛି, ‘ଡେଲ୍ଟା ସ୍କାଏ କ୍ଲବରୁ ଆଭାଲଞ୍ଚ ଷ୍ଟୁଡିଓ ନେଇଥିବା କିଛି ଦୃଶ୍ୟ ଏଠାରେ ଅଛି। ଦ୍ୱିତୀୟ ପର୍ଯ୍ୟାୟରେ ବିମାନବନ୍ଦର ନିର୍ମାଣରେ ଏକ ପ୍ରମୁଖ ସମୟସୀମା ସୂଚିତ କରାଯାଇଛି।