![](https://www.dharitri.com/wp-content/uploads/2024/02/Defence.jpg)
ନୂଆଦିଲ୍ଲୀ,୧୭।୨(ପି.ଟି.) : ସଶସ୍ତ୍ର ବଳର ଆକ୍ରମଣ କ୍ଷମତା ବଢ଼ାଇବା ପାଇଁ ମଲ୍ଟିମିଶନ ବିମାନ ସମେତ ୮୪,୫୬୦ କୋଟି ଟଙ୍କାର ସାମରିକ ସରଞ୍ଜାମ କ୍ରୟ ପ୍ରସ୍ତାବକୁ ପ୍ରତିରକ୍ଷା ମନ୍ତ୍ରଣାଳୟ ଶୁକ୍ରବାର ମଞ୍ଜୁରୀ ପ୍ରଦାନ କରିଛି। ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ଅଧ୍ୟକ୍ଷତାରେ ପ୍ରତିରକ୍ଷା ଅଧିଗ୍ରହଣ ପରିଷଦ (ଡିଏସି) ପ୍ରତିରକ୍ଷା ସାମଗ୍ରୀ କ୍ରୟ ପ୍ରସ୍ତାବକୁ ଅନୁମୋଦନ କରିଥିଲା। କ୍ରୟ ହେବାକୁ ଥିବା ସାମଗ୍ରୀ ମଧ୍ୟରେ ନୂଆ ପିଢ଼ିର ଟ୍ୟାଙ୍କ ବିଧ୍ୱଂସୀ ମାଇନ୍ସ, ଏୟାର ଡିଫେନ୍ସ ଟାକ୍ଟିକାଲ କଣ୍ଟ୍ରୋଲ ରାଡାର, ଓଜନଦାର ଟାର୍ପେଡୋସ୍, ମଧ୍ୟମ ଦୂରଗାମୀ ସାମୁଦ୍ରିକ ପାଟ୍ରୋଲିଂ ଏବଂ ମଲ୍ଟିମିଶନ ବିମାନ, ଆକାଶମାର୍ଗରେ ଯୁଦ୍ଧବିମାନରେ ଇନ୍ଧନ ଭରିବା ପାଇଁ ବିମାନ ଏବଂ ସଫ୍ଟଓ୍ବେର ରହିଛି।