କିଛି ଲୋକ ଖାଇବା ପିଇବାକୁ ବହୁତ ଭଲ ପାଆନ୍ତି। ସେମାନଙ୍କୁ ଯେତେ ଜିନିଷ ଖାଇବାକୁ ଦିଅ, ଖାଇ କିପରି ହଜମ କରିବେ ତାହା ମଧ୍ୟ ଜାଣିଥାନ୍ତି। ଏପରି ଜଣେ ବ୍ୟକ୍ତି ହେଉଛନ୍ତି ମ୍ୟାକ୍ସ ଷ୍ଟାନଫୋର୍ଡ।
ଯିଏ କି ମାତ୍ର ୩ ମିନିଟ୍ରେ, ୮୮ଟି କେକ୍ ଖାଇ ଓ୍ବାଲର୍ଡ ରେକର୍ଡ ସୃଷ୍ଟି କରିଛନ୍ତି।
୩୪ ବର୍ଷୀୟ ମ୍ୟାକ୍ସ ହାରାହାରି ୨ ସେକେଣ୍ଡରେ ଏକ କେକ୍ (ଜାଫା) ଖାଇଥିଲେ। ଏହାକୁ ଗଳାରୁ ବାହାର କରିବା ପାଇଁ ଗରମ ପାଣି ପିଇଥିଲେ। ଏହିପରି ଭାବରେ, ସେ ଅତି ଖୁବ୍ଶୀଘ୍ର ମାତ୍ର ୩ ମିନିଟ୍ ମଧ୍ୟରେ ୬ ଗ୍ଲାସ୍ ଗରମ ପାଣି ସହିତ ୮୮ଟି କେକ୍ ଖାଇଦେଲେ। ଯାହାକି ସେଠାରେ ଉପସ୍ଥିତ ଥିବା ଲୋକଙ୍କୁ ଆଶ୍ଚର୍ଯ୍ୟ କରିଦେଲା।
ପୂର୍ବରୁ ୨୦୨୦ ଫେବୃୟାରୀରେ ମ୍ୟାକ୍ସ କେକ୍ ଖାଇବାର ରେକର୍ଡ ପାଇଁ ଚେଷ୍ଟା କରିଥିଲେ। ପରେ ସେ ୧୮୦ ସେକେଣ୍ଡରେ ୩୬ଟି କେକ୍ ଖାଇଥିଲେ। ଏଥର କିନ୍ତୁ ସେ ୩ ମିନିଟ୍ରେ ୮୮ଟି କେକ୍ ଖାଇ ରେକର୍ଡ କରିଛନ୍ତି। ମ୍ୟାକ୍ସ ଅଧିକାଂଶ ସମୟ ଖାଦ୍ୟ ଚ୍ୟାଲେଞ୍ଜ ନେଇଥାନ୍ତି। ତାଙ୍କ ନିଜର ଏକ ୟୁଟ୍ୟୁବ୍ ଚ୍ୟାନେଲ ଅଛି, ଯେଉଁଥିରେ ସେ ସପ୍ତାହରେ ଥରେ ଖାଦ୍ୟ ଚ୍ୟାଲେଞ୍ଜ ଭିଡିଓ ଅପଲୋଡ୍ କରନ୍ତି। ନିକଟରେ ସେ ୫.୫ କିଲୋଗ୍ରାମ ଚିକେନ ଚିକ୍କା ମସଲା ଏବଂ ଭାତ ସହିତ ୨୦ଟି ଚକୋଲେଟ ଇଭେଣ୍ଟ କ୍ୟାଲେଣ୍ଡର ଖାଇଥିଲେ। ବ୍ରିଟେନର ସାଉଥ ଲଣ୍ଡନରେ ରହୁଥିବା ମ୍ୟାକ୍ସଙ୍କ ପାଇଁ ଏହା ତାଙ୍କର ଅଭ୍ୟାସ। କିନ୍ତୁ ଏଥିପାଇଁ ତାଲିମ ମଧ୍ୟ ଆବଶ୍ୟକ ବୋଲି ସେ କୁହନ୍ତି।
