ପୁରୀ, ୨୧ା୯(ଅଜିତ୍ ମହାନ୍ତି): ଗଶେଣ ପୂଜାକୁ ନେଇ ମଙ୍ଗଳବାର ଅପରାହ୍ନରେ ସାମନ୍ତ ଚନ୍ଦ୍ରଶେଖର (ଏସ୍ସିଏସ୍) ସ୍ବୟଂଶାସିତ ମହାବିଦ୍ୟାଳୟ ସମ୍ମୁଖରେ ଛାତ୍ର ଏବଂ ଅଣଛାତ୍ରଙ୍କ ମଧ୍ୟରେ ଗୋଷ୍ଠୀ ସଂର୍ଘଷ ଘଟିଥିଲା। ଏହି ଘଟଣାରେ ଟାଉନ ଥାନା ପୋଲିସ ଉଭୟ ପକ୍ଷର ୯ ଅଭିଯୁକ୍ତ ଧରାପଡ଼ିଛନ୍ତି ା ସେମାନଙ୍କ ମଧ୍ୟରେ ୩ଜଣ ନାବାଳକ ଅଛନ୍ତି ା ଅନ୍ୟ ୬ ଜଣଙ୍କୁ ଗିରଫ କରି ବୁଧବାର କୋର୍ଟ ଚାଲାଣ କରାଯାଇଛି। ଗିରଫ ଅଭିଯୁକ୍ତମାନେ ହେଲେ ଟାଉନଥାନା ଅନ୍ତର୍ଗତ ବାରବାଟୀ ଜାଗା ନୂଆସାହିର ସୁଦାମ ଦାସ (୨୪), ଦିନେଶ କୁମାର ସାହୁ (୧୯), ସୋନୁ କହଁର (୨୩), କୁମ୍ଭାରପଡ଼ା ଥାନା ଅନ୍ତର୍ଗତ ତଳନୂଆ ସାହି ବୋଡିଙ୍ଗ ଛକର ସୌରଭ ଖୁଣ୍ଟିଆ (୧୮), ପୁରୀ ବସଷ୍ଟାଣ୍ଡ ନିକଟ ରଘୁପତି ନଗରର ରାଜେନ୍ଦ୍ର ପ୍ରସାଦ ସ୍ବାଇଁ (୧୯) ଏବଂ ଟାଉନଥାନା ଅନ୍ତର୍ଗତ ବାଲିସାହି ସିଦ୍ଧବକୁଳ ମଠ ଲେନ୍ର ଶ୍ରୀନିବାସ ଦାଶ (୧୮)। ଏମାନଙ୍କଠାରୁ ପୋଲିସ ଗୋଟିଏ ଛୁରି ଜବତ କରିଛି। ଏ ନେଇ ଏକ କେସ୍ (ନଂ. ୩୩୭/୨୩) ରୁଜୁ ହୋଇଛି। ସଂଘର୍ଷରେ ଗୁରୁତର ଆହତ ହୋଇଥିବା ଛାତ୍ର ବାସୁଦେବ ଷଡ଼ଙ୍ଗୀଙ୍କୁ ଚିକିତ୍ସା ପାଇଁ ଭୁବନେଶ୍ୱର ସ୍ଥାନାନ୍ତର କରାଯାଇଛି।
ପୋଲିସ ସୂଚନା ଅନୁଯାୟୀ, ମଙ୍ଗଳବାର ଅପରାହ୍ନରେ ସାମନ୍ତ ଚନ୍ଦ୍ରଶେଖର କଲେଜର ୭ଜଣ ଛାତ୍ର କଲେଜ ମୁଖ୍ୟଫାଟକ ଅପରପାର୍ଶ୍ୱରେ ଥିବା ଏକ ବରଗଛ ନିକଟରେ ବସିଥିଲେ। ଏହି ସମୟରେ ତିନିଜଣ ଯୁବକ ସମୁଦ୍ରକୂଳ ପାଶର୍ବରୁ ସେହି ରାସ୍ତାରେ ବାଇକ ଯୋଗେ ଯାଉଥିବାବେଳେ ଛାତ୍ରମାନଙ୍କ ମଧ୍ୟରୁ କେହି ଜଣେ ସେମାନଙ୍କୁ ଦୁର୍ବ୍ୟବହାର କରିଥିଲେ। ଏହାକୁ ନେଇ ଉଭୟ ଗୋଷ୍ଠୀ ମଧ୍ୟରେ ଯୁକ୍ତିତକ୍ତ ହୋଇଥିଲା। ପରିସ୍ଥିତି ଉତ୍ତେଜନା ହେବାରୁ ଉଭୟ ଗୋଷ୍ଠୀର ସଦସ୍ୟମାନେ ନିକଟରେ ଥିବା କ୍ୟାବିନରୁ ବାଉଁଶ ଏବଂ କାଠବାଡ଼ି ଆଣି ପରସ୍ପରକୁ ଆକ୍ରମଣ କରିଥିଲେ। ଆକ୍ରମଣ ସମୟରେ ଜଣେ ଯୁବକ ବାସୁଦେବ ଷଡ଼ଙ୍ଗୀଙ୍କୁ ଭଙ୍ଗା କଇଁଚିରେ ଆକ୍ରମଣ କରିଥିଲେ। ବାସୁଦେବଙ୍କ ପେଟରେ ଆଘାତ ଲାଗିଥିଲା। ପୋଲିସ ପାଟ୍ରୋଲିଂ ଗାଡ଼ି ସେଠାରେ ପହଞ୍ଚତ୍ ଆହତ ବାସୁଦେବଙ୍କୁ ଉଦ୍ଧାର କରିଥିଲେ। ପିସିଆର ଭ୍ୟାନରେ ଥିବା ପୋଲିସ ଘଟଣାସ୍ଥଳରୁ ଦୁଇଜଣଙ୍କୁ କାବୁ କରିବା ସହ କଇଁଚିରେ ଆକ୍ରମଣ କରିଥିବା ଯୁବକଙ୍କୁ ଗୋଡ଼ାଇ ଗୋଡ଼ାଇ ନିକଟସ୍ଥ ବିଏସ୍ଏନ୍ଏଲ କାର୍ଯ୍ୟାଳୟ ପାଖରୁ ଧରିଥିଲା। ଖବରପାଇ ସିଟି ଡିଏସ୍ପି ଏବଂ ଟାଉନ ଥାନା ପୋଲିସ ଘଟଣାସ୍ଥଳରେ ପହଞ୍ଚତ୍ ଆହତଙ୍କୁ ସଦରମୁଖ୍ୟ ଚିକିସତ୍ାଳୟରେ ଭର୍ତ୍ତିି କରିଥିଲେ। ତେବେ ପୋଲିସ ଉଭୟ ଗୋଷ୍ଠୀର ୭ ଜଣଙ୍କୁ ଅଟକ ରଖିବା ସହ ୩ଟି ମୋଟର ସାଇକେଲ ଜବତ କରିଥିଲା।