ଫ୍ରାନ୍ସ,୨୬।୧: ସନ୍ତାନ ପାଇଁ ମାଆ ସବୁବେଳେ ଧରାପୃଷ୍ଠରେ ଚଳନ୍ତି ପ୍ରତିମା ହୋଇଥାଏ। ସନ୍ତାନ ଉପରକୁ ଦୁଖର ପାହାଡ ଛିଡି ପଡିବା ପୂର୍ବରୁ ସେ କୋଳେଇ ଧରେ। ହେଲେ ଆମେ ଏପରି ଏକ ଘଟଣା କହିବାକୁ ଯାଉଛୁ ଯାହାକୁ ଶୁଣି ଆପଣ ତାଜୁବ ହୋଇଯିବେ।
ପ୍ରାନ୍ସରେ ୯ବର୍ଷର ଛୁଆଟି ଏକାକୀ ରହୁଥିବାର ଖବର ଗଣମାଧ୍ୟରେ ପ୍ରକାଶିତ ହୋଇଛି। ଏକାକୀ ରହିବାର କାରଣ ଜଣାପଡିଲା ଯେ, ଦୀର୍ଘ ୨ବର୍ଷ ଧରି ଛୁଆଟିର ମାଆ ଘର ଛାଡି ତାଙ୍କ ବୟଫ୍ରେଣ୍ଡଙ୍କ ସହ ଚାଲିଯାଇଛନ୍ତି। ସେବେଠୁ ଏଇ କୁନିଛୁଆଟି ଏତେବଡ ଘରେ ଏକାକୀ ରହୁଛନ୍ତି।
୨୦୨୦ରୁ ୨୦୨୨ ଭିତରେ କୁନିପୁଅଟି ଘରେ ବଳିଥିବା ମିଠା, ଡବାଖାଦ୍ୟ କିମ୍ବା ପଡୋଶୀଙ୍କ ଭରସାରେ ରହି ଆସୁଛି। ଯେତେବେଳେ କି, ସେହି ଘରୁ ଠାରୁ ୫କିମି ଦୂରରେ ପୁଅଟିର ମାଆ ନିଜ ବୟଫ୍ରେଣ୍ଡଙ୍କ ସହ ରହୁଛନ୍ତି। ବର୍ଷ ବର୍ଷ ଧରି ଏକା ରହୁଥିବା ପୁଅଟିକୁ ଦେଖିବା ପାଇଁ କେବେ କେବେ ମାଆ ଦେଖିବାକୁ ଆସନ୍ତି ଓ ଖାଦ୍ୟ ଖୁଆଇ ଚାଲିଯାଆନ୍ତି। ଏପରି ଅସ୍ବାଭାବିକ ଘଟଣା ଦେଖି ପଡୋଶୀଙ୍କୁ ସନ୍ଦେହ ଆସିଥିଲା ଓ ସେମାନେ ପୋଲିସକୁ ଖବର ଦେଇଥିଲେ।
ଯେତେବେଳେ ପୋଲିସ ଘରେ ସର୍ଚ୍ଚ କରିଥିଲା ସେତେବେଳେ ଭିତରର ଦୃଶ୍ୟ ଦେଖି ତାଜୁବ ହୋଇଯାଇଥିଲା। ଘର ସାରା ଅଳିଆ ଆବର୍ଜନା ପଡିଥିବାର ପୋଲିସ ଦେଖିବାକୁ ପାଇଥିଲା। ୯ବର୍ଷର ଶିଶୁଟି ଅତି ଦୟନୀୟବସ୍ଥାରେ ଘରେ ବନ୍ଦୀ ଭାବରେ ଜୀବନ ବିତାଉଥିଲା। ଲୋକଲଜ୍ଜ୍ୟା ଭୟରେ ମାଆ ପିଲାଟିକୁ ଭିତରୁ ବନ୍ଦ କରିଦେଇଥିଲେ। ତେବେ ଏହି ମାମଲା ରୁଜୁ ହେବା ପରେ କୋର୍ଟ ମାଆଙ୍କୁ ୧୮ମାସ କାରାଦଣ୍ଡ ଘୋଷଣା କରିଛନ୍ତି