ଏମିତି ଏକ ଫୁଲ ଅଛି, ଯାହାକୁ ଲୋକେ ଆଜିକାଲି ବହୁତ ପସନ୍ଦ କରୁଛନ୍ତି। ବିଶେଷକରି ଭାରତରେ ଏହି ଫୁଲକୁ ପ୍ରତିଦିନ ପ୍ରାୟ ୯୦ ଲକ୍ଷ ଲୋକ ପସନ୍ଦ କରୁଛନ୍ତି। ନ୍ୟୁୟର୍କ ଏଷ୍ଟରର ଓ୍ବିକିପିଡିଆ ଫଟୋ ଭାରତୀୟକୁ ବହୁତ ପସନ୍ଦ ଆସୁଛି। ଏହା ଏକ ବାଇଗଣୀ ରଙ୍ଗର ଫୁଲ ଅଟେ। ଯାହା ଉତ୍ତରପୂର୍ବ ଆମେରିକା ଅଞ୍ଚଳରେ ଦେଖିବାକୁ ମିଳେ।
ଉଇକିପିଡଆର ମେଶିନ ଲର୍ନିଂ ନିର୍ଦ୍ଦେଶକ କ୍ରିସ୍ ଆଲବନ ମଙ୍ଗଳବାର ଟୁଇଟ୍ କରିଛନ୍ତି। ଏହି ଫୁଲ ଦେଖିବା ପାଇଁ ଓ୍ବିକିପିଡିଆରେ ଟ୍ରାଫିକ୍ ଖୁବ୍ ବଢ଼ିଛି। ସେ ଲେଖିଛନ୍ତି, ଏହାର ରହସ୍ୟ ବିଷୟରେ ଏହି ପ୍ରକୃତ ଲାଇଭ୍ ଟିକେଟ୍ ଯାଞ୍ଚ କରନ୍ତୁ। ମିଡିଆ ପାଇଁ ଆମର ଗୋଟିଏ ଡାଟା ସେଣ୍ଟରରୁ ସମସ୍ତ ଅନୁରୋଧର ୨୦% ହେଉଛି ଫୁଲର ଏହି ପ୍ରତିଛବି ପାଇଁ। ଆଲବିନ୍ କହିଛନ୍ତି, କେହି ଜାଣନ୍ତି କି କାହିଁକି?
ଏହି ପୋଷ୍ଟର ଏତେ ଟ୍ରାଫିକ ବୃଦ୍ଧି ପାଇଛି ଯେ, ଯାହା ଅତ୍ୟନ୍ତ ଅଜବ। କାରଣ ଏହା କ୍ରମାଗତ ଭିନ୍ନ ଭିନ୍ନ ଆଇପିରୁ ଆସିଥାଏ। ପ୍ରତିଦିନର ଟ୍ରାଫିକୁ ଅନୁସରଣ କରେ। ତେଣୁ ଆମେ ଅନୁମାନ କରୁଛୁ ଯେ, ଭାରତୀୟମାନେ କେତେକ ମୋବାଇଲ ଆପ୍ ମୁଖ୍ୟତଃ ହଟ୍ଲିଙ୍କ୍ସ ବ୍ୟବହାର କରନ୍ତି। ଯାହାର ଉଦହାରଣ ଏହି ଫୁଲର ଫଟୋ।
ବାଇଗଣୀ ରଙ୍ଗର ଏହି ଫୁଲର ରହସ୍ୟ ଅନୁସନ୍ଧାନ କରୁଥିବା ଲୋକମାନେ ଅନୁମାନ କରିଥିଲେ ଯେ, ଟିକ୍ଟକ ପ୍ରତିବନ୍ଧକ ପରେ ଡିଜାଇନ୍ ହୋଇଥିବା ବିଭିନ୍ନ ଆପ୍ ମଧ୍ୟରୁ ଗୋଟିଏ ଭାରତରେ ବହୁଳମାତ୍ରାରେ ବ୍ୟବହୃତ ହେଉଛି। ପରେ ଆଲବନ କହିଛନ୍ତି, ଏହି ଟ୍ରାଫିକ୍ କେବଳ ଭାରତର ଏକ ଲୋକପ୍ରିୟ ଆପ୍ରୁ ହିଁ ଆସୁଛି।